العروبي و عروس الريح

الجزء 56

🌾العروبي و عروسة الريح 🌾
💄الخنساء 💄

حسنا:خلي عليك لبنت.. تبقا ما عارفا والو حسن ليها

رشيدة :داكشي لي بقا نيت.. عا نكبر و نمدها ليه..و الله لا حلم بيها.. هادشي لا عقل عليها..

حسنا كاتبرد فيها:رخفي النفس.. سيري للدار  أنا دابا نتبعك..

رشيدة كاضحك ببلاهة:مالي أنا دابا؟ هانا بيخير..
يجي و لا يمشي آش زايدني؟
كي بنت لك؟ حالتي حسن منو..

جراتها حسنا على برا تا هي كتر منها ما صدقات شافتو.. و لايني بجوجات مزال كايتصنعو البرود..

على برا كانت مرسيديس بيضة..
جالس فيها طه و حداه معاذ.. كايتناقشو مرة مرة.. و كل واحد آش حاط حداه.. لمهيم عندهم يلقاو باش يدوزو هاد الساعة..
مدام لالة رجاء عاجبها لحال خاصهم يصبرو معاها..

طه باشمازاز:شو على كلاخ..

هز معاذ عينو كانت زينب واقفا حدا الشرجم كاتقاد شعرها لي كايطير مع البرد تيليفونها فيديها.. كل شوية خاصها صورة تصيفطها لحبيب القلب..
حتى قفزات على صوت مها و دقة ما عرفاتها منين جاتها..

زينب كاتحك فيديها :هاااح.. آش درت أنا آش درت؟

رشيدة خاصها غي فيمن تفرغ :تدار لك... قدامي زيدي.. يله

حسنا كاتفك دارت زينب وراها:زگاي على لبنت..
أنا لي جبتها.. أنا نتوالاها..

رشيدة:حسنا.. خليني أختي الله يرحم واليديا و والديك..

هوما كايهضرو حتى تحل لباب دلوطو..
و نزل عكاز هو لول وراه رجلين سي معاذ..
نازل بكل حزم و وجه خالي من المشاعر..
ماتقولش هادا نفس الراجل دنفس الليلة..

قبل سنوات...

آذان لفجر مسموع.. صاك مجموع و محطوط جنب لباب..
بنيتا صغيرة ناعسة فبلاصتها ما جايبا للدنيا خبار..
ما عارفاش بأن غدا ما غايبقاش عندها لي تقول ليه بابا..
الزوجة بدورها ناعسة فبلاصتها غافلة على أن غدا غايخصها تبدا حياة جديدة.. تقلب على باش تبني راسها و تهز بنتها لي بقات على رقبتها..

داز من حداهم بحال الريح مخلي وراه غي الروينة.. و لغبرة نايضا..

هز صاكو على كتفو..
و حط ما بقا فجيبو من فلوس مخلي ليه حاجة قليلة باش يقدي بينما وصل لداكشي لي فبالو..
زعما تصورها بهاد لبساطة..
لفلوس لي خلا غايديرو ليهم شي حاجة؟

غايجاوبوهوم علاش مشا؟ و لا عندمن مشا؟و لا واقيلة غاينسيوهم فغيابو !

خرج بلاما يتلفت لوجه ديك لبنية لي خلا وراه..
و ليوم هاهي واقفا قدامو.. هو شافها و تمعن فيها و لكن هي عاطياه بالظهر..

مزال ما وصلش عندها كانت رشيدة لمحاتو هي و حسنا.. جرات حسنا زينب قدامها كاتلف فيها

حسنا:آجي ندخلو..