🌾العروبي و عروسة الريح 🌾
💄الخنساء 💄وجدان غي داويا.. سمعات فيلاج و حسباتها صافي بحال مدينة..
صحيح هوما فالسكن و لمرافق حسن شوية من لعروبية..
و لكن را نفس الفكر و نفس المستوى عندهم كاملين..
را لفرق غي فأن لي عندو شي شوية لفلوس تحول و جا للفيلاج..مثلاً لكوافورة عند وجدان هي حاجة عااادية ماشي ضروري تكون عندها شي حاجة باش تمشي تقاد..
أما بالنسبة لعقليت لفيلاج.. خاص حتى تكون عروسة و لا عندهم مناسبة عااد يمشيو للكوافورة..
كايبغيو لفرق يبان وااضح على وجوههم.. هادشي من غير لميكاب و الشعر لي مزااال معطلين فيه بسنوات ضوئية..بوبكر حل لباب :طلعي طلعي.. تانشوف ليك شي حاجة..
وجدان بفرح :بصح بصح..
و غاتكون ديالي..شافتو كايشوف فيها و رجعات صلحاتها:
لا زعما ديالنا... ياك؟
بوبكر :إن شاء الله..
ركبو و قصدو الدار د عبد الرحيم..
لقاوهم فطرو و جالسين كايتسناو فيهم..
دفع بوبكر عبد الرحيم.. و حطو لقدام حداه..
عاد جمع الكرسي ديالو فلكوفر.. و ركبو قاصدين السبيطار..فمدينة الرباط..
رجاء غادا و حمزة تابعها.. هاد ثلثيام لي جابتو فيها قلبات ليه راسو..
كانت مراكش حتى نقزات لرباط..
و ناوية تبات ليوم فكازا...كايضور معاها و هو كاره راسو.. كيفاش تا رجعاتو للمغرب و هو ما خرج منو غي بلطف الله..
حتى طه جاه نيشان يا تمشي يا برا..رجاء غادا و كاتصور.. عاجبها لحال.. و تحلات ليها النفس.. رجعات غي كاتنقز كثر ما موالفة..
مرة مرة كاظور تشوف حمزة واش باقي وراها.. مع مولفا كاتسلت عليهم خافت غي توضر عليه و يصدق عالم طه..
بان ليها واحد الريسطو زوين من برا و خاوي شوية فيه غي عائلات قلال..
دخلات شدات طبلة.. و تبعها حمزة جر كرسي و جلس ساكت..
رجاء جبدات كتابها حطاتو قدامها و كتبات عليه:بغيت طاجين
دفعاتها لعندو كاتسناه يسولها إينا نوع باغا.. و لكن خاب ظنها..
السيرفور وقف عند روسهم:السلام عليكم..
حمزة عاد نطق عارفها ما كاتهضرش و مابغاش يحشمها..
أما يبقا صاقل
:و عليكم السلامالسيرفور:تفضلو لموني أ سيدي..
حمزة بامتناع:لا ما كاين لاش.. عندكم الطواجن؟
السيرفور:وي.. كاين دجاج؛لحم؛ حوت؛ خضرة..
حمزة وقفو باغي دغيا يسالي الحوار :جيب ليا من كلشي.. و بالزربة الله يحفظك
أنت تقرأ
العروبي و عروس الريح
Romance🦈حصرياً على بحر الروكانات 🦈 #العروبي_و_عروسة_الريح كيف الزيت و الماء و الشمس و القمر و كيف النهار و الليل و أكيد كيف السماء والأرض أبطالنا بفك...