العروبي و عروس الريح

الجزء 37

🌾العروبي و عروسة الريح 🌾
💄الخنساء 💄

خطفات ليه التيليفون من يدو قبل لايصدق ماسحها هي نيت..
عندها الزهر ضاربا حسابها و نقات لكونت ديالها من دوك لفيديوهات لماسخين و دوك لكساوي..

وجدان:صافي براكة عليك.. واااه.. عطيتك غي تشوف..

بوبكر:مزال غانشوف داكشي غي خوديه دابا..
لحاجة لما كانتش كاتستعمل للفائدة ما كاين لاش..

وجدان:لا غي حلم..
آجي بعدا عندك عادي؟

بوبكر:لا ما عاديش..
و نتي عارفة هادشي ياك..
أنا غي كانصحك.. و نوجهك.. بغيتي تاخدي بكلامي مرحبا مابغيتيش مرحباً..

وجدان:و مالها آش فيها؟
دابا عا بيني و بينك ما عجبكش هادشي..
شوف شحال عندي دالناس..

جبد بوبكر تيليفونو.. كايخندش و رجع ضورو عندها..

وجدان حلات فمها:لااا...
مايمكنش.. أنشوف..

شدات تيليفون.. كاتشوف مامتيقاش عندو باج آنستا فيها ثلاثة لمليون..
و لعجيب أنها كلها على كتب؛ قصص؛ شعر.. قليل لا حط صورة شخصية..

وجدان :بَّا.. بَّا.. هادشي ديالك نتا نتا..

بوبكر :ماشي ضروري تحط ديما و تبقا لاصق فتيليفون..
يكفي تعطي حاجة فالشهر فيها إفادة يبغيوها الناس وي ستافدو منها..
تخلي وجهك نقي فيها..
و لا نبقا غي كانحط بلا شغل و نهز غي الذنوب فيها.. و نتي تعرفي..

وجدان صافي حدهم ليها لحاجة لي عمرها حتى حلمات بيها..
لخرجة كاملة و هي مصدومة حتى رجعو للدار..

وجدان كاتبدل فحوايجها و تهضر مع راسها.. حتى دخل بوبكر.. :غدا إن شاء الله غايجي واحد الضيف عندنا..
وجدااان..

وجدان مسافرة كاتجبد و تحط فوق الناموسية.. مزال ما ختارت شغاتلبس..

بوبكر:أ بسم الله عليك..

وجدان:هااا.. معايا؟

بوبكر :مالك؟

وجدان دايخا مع راسها:لا والو.. دابا نتا نتا.. هاداك..
أووف..
صافي إينا وحدة فهادو حسن؟

بوبكر كايحرك فراسو.. ضار شاف داك لعرام لي جابدا.. جر لي جا قدامو و حطها ليها :شوفي هادي

وجدان شداتها من عندو :شنو گلتي قبيلة؟

بوبكر: غدا إن شاء الله غايجي واحد الضيف..

وجدان:شكون هادا؟

بوبكر:تقدري تگولي صاحبي.. و بيناتنا شي خدمة..

وجدان:آآه.. و لاش غايجي؟

بوبكر بشوفة د من نيتك..

وجدان:لا والو.. هانا مشيت.. مرحبا مرحبا..