العروبي و عروس الريح

الجزء 38

🌾العروبي و عروسة الريح 🌾
💄الخنساء 💄

قفزات و رجعات خشات صندالتها فرجليها:هانا..

بوبكر :ماتحلي تا تعرفي شكون

شكون سمعك السيدة حلات لباب.. و لقات شيريهان.. جراتها من يديها..
:دخلي دخلي..

زربات عليها دغيا جراتها..

دخلاتها وراها للكوزينة..
بوبكر سمع لهضرة و شي وحدة دازت معاها سد عليه لباب دلبيت مخليهم على راحتهم..

وجدان كاتوري لشيريهان فالتصاور:شوفي هادي..

شيريهان على نيتها:زوين تباركالله عليك

وجدان:ياك.. وا عنداك..
لاسولاتك ماما گولي ليها را درت عقلي..
صافي

شيريهان:واخا

وجدان:و هزي هزي دوقي بعدا.. لاتقولو كاين غي المنظر..

شيريهان :لا حاشا..

هزات شيريهان كادوق و وجدان عند راسها..

شيريهان:زوين تباركالله عليك أ ختي

وجدان هزات حجبانها عاجبها لحال..

بعد نص ساعة كانت شيريهان جمعات كلشي.. خلات وجدان مصدومة.. كيفاش كاتشقا بالزربة..
لادوزات إيديها كاتخلي لبلاصة وراها كاتشعل..

وجدان :تي كي درتي ليها؟مشارجينك

شيريهان ضحكات ليها:ماعندكش الشقا بزاف غي كايبان ليك.. مولفة بما كتر..

وجدان:آشمن..داك الروينة كاملة و ماشي بزاف..

شيريهان بتردد:ختي وجدان

وجدان:شنو

شيريهان:ملي كنت جايا ماماك صيفطات ليك واحد السخرة و لكن طاحت ليا و تشتت كلشي..
سمحيليا..

وجدان :تاء.. عند بالي غي شي حاجة..
خلعتينا.. تي مالك عا كاترعدي عليا عا بوحدك..
گاتلك سمحيليا..
نشفي نشفي ماينفعك..

رتاحت شيريهان.. كانت كاتخلعها وجدان ملي كاتبدا تغوت فالدار.. و توقعات ما غايعجبهاش لحال حيث خصرات السخرة د حسنا..

وجدان جالسة شادا التيليفون و كادوي مرة مرة مع شيرين توحشات جو النشاط و لبنات دايرين جو مع بعضهم..
شيريهان كاتحرك قدامها بطابلية دالشغل..
وذن معاها و يديها خدامين..

لي قالت ليها دارتو و مزال فينما كاتبان ليها شي حاجة ماشي تال لهيه كاطرفها..

شيريهان :لي بغيتي

وجدان:و شغايوقع گاع لما درنا باباه هاد لعشة.. غانضومونضي من واحد لاباج عاد شفتها الصباح داكشي عندهم كايبان واعر..
لاهيلا لقيت لي يسهر معايا ليوم..
ياك كاتسهري بعدا