العروبي و عروس الريح

الجزء 24

🌾العروبي و عروسة الريح 🌾
💄الخنساء 💄

مشا معاها حتى هو فهواها..
خلاها تتخيلو شاروخان لي كاتقلب عليه..

من عقلو ولا يمشي يوقف عند شرجمهم..
و ملي كاطل كايبدا يمثل بلي فيه لبرد و عيان واخا الشمش كاتحرق..

لقاها هبيلة و دغيا تحلات ليه..
غي يجيب ليها وردة وي قول ليها كانبغيك.. كاتنسا راسها..

بشوية بشوية ولات كاتزعم و تخرج معاه..

هو كايشوفها طول لخرجة كجسد.. كايديه لشي قنت بعيد على فين كايكونو صحابو ما باغيش الشوهة مع لي مسميها فتيليفونو بنت لخدامة..

و هي كاتشوف فيه داك الحب لي من زمان و هي كاتقلب عليه.. ما كرهاتش تخرج يديها فيديه وسط الناس و لي دازت من حداه توريه ليه.. باش يعرفو شحال هوما كوبل زوين..

رشيدة ماكانتش كاتخرج من الدار بزاف..
عاد حتى لاخرجات زينب بحدها.. كاتبعها بلي زابيل..
و كاتحسب ليها لوقت بالدقايق..

ليوم لقاو لفرصة بعد ما مرض عبد الرحيم..
قالت غاتكون رشيدة مشغولة و ما غاترجعش دابا..

ناضت بلا عجز..
مدوزا ليه لابيل..
كانت باغا غي تهضر معاه على راحتها..

حتى صدمها بأنه جاي ملي عرف بلي راها بوحدها..

زينب لهبيلة فرحات.. قالت يجلسو شوية على خاطرهم..
و كملاتها بأنها وقفات كاتجري للكوزينة.. كاتفتف باش توجد ما تحط تقول السيد جاي يتضايف عندها..

دارت على لي كوموند دلعيالات لي حاطاهم رشيدة حتى يجيو وراهم أصحابهم..

هزات منهم على خاطرها معمرة طبسيل على حقو و طريقو..

دازت دارت روتوش على وجهها..
و ختارت كسيوا زويونة و بنوتية.. باش تبان منورة..

ما جات تسالي حتى كان وصل..
دخلاتو بزربة قبل لايشوفو شي حد...
غافلة بسداجتها و الأصح تكليختها أن گاااع ناس الحي تفرجو فيهم..

داتو للصالون فين لقا الطبلة محطوطة..
و تبسم بالجنب على هاد لمكلخة لي مدخلا الذيب تال وسط عشها..

ما جا فين يجلس تا خدمات ليه أيمبيسي بولييوود.. يتفرجو تاني فلهنود...

من زهرهم كان بادي فلم أني بادي كان دانس..
تقريباً كلو غنا و شطيح..

زينب جالسا مرتاحة كاتاكل و تفرج..
في حين هو كل شوية يقرب جيهتها..

جرها بزز و ناضو كايشطحو مع لأغاني دلفلم..
رجعو الدار نايت كلوب و بنهار من لفوق.. يتسناو غي الليل بعدا.. هه

مع الشطيح بدا عمر كايزعم عليها..
و حتى زينب غي كادور فعينيها و صاقلة..
تخيلات سيناريو معاه و حلمات گاع بأنهم جالسين وسط جردة كلها ورد..
و قدامهم ولد صغير كايلعب.. زعما زعما ولدهم.. واخا تخيلاتو فوجهو بلاما دير اعتبار لملامحهم..
فين ما كان شي عينين خضرين و شعر صفر لسقاتهم ليه..
ماتعرفو ولد ولا مونيكة عيشور؟!