"ဘယ်သူကခွင့်ပြုလို့လဲ၊ဘယ်တုန်းကဆုံးဖြတ်ခွင့်
ရှိတယ်လို့ ထင်သွားတာလဲ။ပြောချင်တာပြောပြီး
ထွက်သွားလို့ရလား""မင်း အတော်ဆိုးတဲ့ကောင်.."
မွေယာကို လက်သီးဆုပ်နှင့်တဖုန်းဖုန်းနဲ့ထုကာ
ဖွင့်ချမိသည်...။ခါးထွက်သွားတဲ့နေ့ကတည်းကအလုပ်တွေဖိလုပ်ကာအာရုံပြောင်းနိုင်အောင်ကြိုးစားမိပေမယ့်ပိုပြီး
စိတ်နှစ်လေ ပိုပြီးအသိစိတ်လွတ်ချင်လေ။မခံနိုင်
တဲ့အဆုံးအလုပ်ထဲလဲစိတ်မဝင်စားနိုင်တော့။သို့
သော်အသိစိတ်ဝင်တိုင်းအလုပ်ထဲစိတ်ကိုပြန်ပြန်
ဆွဲခေါ်မိသည်။စားချင်စိတ်လဲမရှိ၊အိပ်ချင်စိတ်လဲမရှိတော့သလိုပင်။တစ်နေ့ကိုသုံးနာရီလောက်သာပင်ပန်းကြီးလွန်းစွာ အိပ်ပျော်လေ၏။နှစ်လဆိုတဲ့အချိန်ကာလအတွင်းမှာ လူက သွေး
မရှိတဲ့ အရုပ်တစ်ရုပ်လို ဖြစ်နေပြီ။ပြောင်းလဲသွား
တဲ့သူရဲ့ရုပ်နဲ့ခန္ဓာက အတော်လေးချိနှဲ့နေပါလေ၏။ရေချိုးပြီးအောက်ထပ်ဆင်းလာသည့်အချိန်တစ်
လျှာက် ရင်ညွန့် အောက်နားဆီက တစ်ဖြည်းဖြည်း အောင့်လာခဲ့ပြီးရပ်နိုင်စွမ်းပင်မရှိတော့စွာဧည့်ခန်းကဆိုဖာပေါ် ငြိမ်ငြိမ်လေးထိုင်နေလိုက်ရသည်။ပိိုပိုပြီးနာကျင်လာသည့် ရင်ဘတ်ကြောင့်မတ်မတ်
တောင်မထိုင်နိုင်တော့ပေ။ခန္ဓာကိုယ်ကိုကွေးညွတ်
ထားပြီးချွေးစီးတွေစိမ့်ထွက်လာလေတော့၏။"သားမောင်"
"သားမောင် ဘာဖြစ်လို့လဲ နေမကောင်းဘူးလား"
"အား"
"အင်း...."
"ကျွန်တော့်ဖုန်းထဲက ကျော်စိုးဆိုတဲ့နံပါတ်ကို
ခေါ်လိုက် မမျိုး""အေး အေး"
မမျိုးတစ်ယောက် လက်တုန်ခြေတုန်နဲ့ ခေါ်နေ
ပေမယ့် ဖုန်းကတော်တော်နဲ့ မကိုင်။ဆေးရုံမှာမို့
အလုပ်များနေလောက်သည်။စိတ်ငြိမ်ငြိမ်ထားပြီးနာကျင်မှုကို ဥပက္ခာပြုနိုင်ဖို့
ကြိုးစားလဲ အချည်းနှီးသာ။အသားစတွေနာကျင်
တာမျိုးမဟုတ်ပဲအတွင်းကလီစာတစ်ခုခုလောင်
ကျွမ်းနေသလိုပင်။တစ်ချက်တစ်ချက်စူးကနဲ
အောင့်တက်လာတိုင်းအံတွေပါကျိတ်မိရသည်။