Summertimes Sunset Dreaming 💙 [COMPLETED]

27~Will you sincerely look at me now?~

~You are too far from me, like an illusion~

သူ့ကျောပေါ်မှာရှိနေတဲ့ကလေးကသူ့လည်ပင်းကိုတင်းတင်းကျပ်ကျပ်သိုင်းဖက်ထားပြီးတိတ်ဆိတ်နေသည်။ ကလေးကအိပ်ပျော်သွားတာလား။ ဒါမှမဟုတ်သူဆူမှာကိုကြိုသိပြီးတိတ်နေတာလားဆိုတာနိုင်းမာန်အတည်မပြုနိုင်​သေးဘူးဖြစ်နေသည်။ အိမ်ရောက်တော့က​လေးအခန်းထဲအထိလိုက်ပို​ပေး​ဖြစ်သည်။ သူ့ကျောပေါ်မှာပါလာတဲ့ကလေးကိုအိပ်ယာ​ပေါ်မှာသာသာယာယာလေးချပေးတော့ကလေးကအိပ်ပျော်နေတာမဟုတ်ခဲ့ဘူး။ သူ့ကိုသေချာကြည့်နေပြီးက​လေးမျက်နှာကညိုးငယ်နေသည်။ အိပ်ရာပေါ်မှာငုတ်တုတ်ထိုင်နေပြီးသူ့ကိုလည်းဘာမှမပြောဘဲတိတ်နေသည်။ ကလေးရဲ့အခုလိုပုံစံကိုမြင်တော့လည်းနိုင်းမာန်မဆူရက်ဘူး။ ဒါပေမယ့်သူဒေါသထွက်နေဆဲပဲဖြစ်သည်။

"ရေအရင်ချိုးမလား"

"ဟုတ်"

နိုင်းကသူ့ကိုမဆူဘူး။ ဒါပေမယ့်နိုင်းသူ့ကိုစိတ်ဆိုးနေသည်။ သူ့ကိုစိတ်ဆိုးနေပေမယ့်နိုင်းကသူ့ကိုဂရုစိုက်​ပေး​နေ​သေးသည်။ ဒါကြောင့်သူနိုင်းစကားကိုနားထောင်ရမည်။

"ကိုယ်ကူညီရမလား"

လူကမူးနေတော့ခန္တာကိုယ်ကယိုင်နေသည်။ အင်္ကျီကြယ်သီးတွေကသူ့လက်ကနေချော်ထွက်နေပြီးဖမ်းလို့မမိဘူးဖြစ်နေသည်။ နိုင်းကသူလုပ်​နေတဲ့ပုံစံကိုမြင်ပြီးကူညီပေးချင်တာဖြစ်​လောက်သည်။

"လူမှန်းသူမှန်းမသိအောင်ကိုမူးလာတာပဲ"

နိုင်းရဲ့လေသံကသူ့ကိုရွှဲ့နေတာမြူမိုင်းသိသည်။ နိုင်းကသူ့ကိုမျက်စောင်းလေးနဲ့မကျေနပ်သလိုပြောနေတာကိုလည်းသူသတိထားမိသည်။ သူ့ကိုမကျေနပ်သလိုပြောနေပေမယ့်နိုင်းရဲ့လက်တွေကသူ့အင်္ကျီပေါ်ရောက်နေခဲ့ပြီဖြစ်သည်။

"ကျွန်တော်လူမှန်းသူမှန်းသိတယ်။ အခုကျွန်တော့်ရှေ့မှာနိုင်းရှိနေတယ်လေ"

သူ့ကိုကလေးတစ်ယောက်လိုမျိုးလာချွဲနေတဲ့က​လေးကြောင့်နိုင်းမာန်ဆူဖို့ဆန္ဒလေးတောင်ပျောက်ရှချင်သွားသည်။ သူ့လက်ကိုကိုင်ထားပြီးကျွန်တော့်ရှေ့မှာနိုင်းရှိတယ်လို့ပြောနေတဲ့ကလေးရဲ့မျက်ဝန်း​တွေကတောက်ပနေသည်။ တစ်ခါတစ်လေကျရင်လေသူတောင်မသိလိုက်ဘဲအဲ့ဒီမျက်ဝန်းလေးတွေကိုနိုင်းမာန်ငေးကြည့်မိနေသည်။ သူ့အတွက်လှပပြီးတန်ဖိုးထားစရာဖြစ်နေသလိုသူခံစားရသည်။