Summertimes Sunset Dreaming 💙 [COMPLETED]

32~I'm willing to give up everything~

~As long as I can be with you, I'm willing to give up everything~

ဒီ​နေ့ကျောင်းကအပြန်ကိုရင်ခွင်ကသူ့အိမ်ရှေ့နား​လောက်ထိရောက်အောင်ပို့ပေးသွားခဲ့သည်။ မြူမိုင်းလည်းပုံမှန်လည်ပတ်​နေခဲ့တဲ့အတိုင်းရေမိုးချိုးပြင်ဆင်ပြီးဆိုင်ကိုကူဖို့ထွက်ခဲ့သည်။ ဆိုင်ကိုသူရောက်လာတာကစောသေးတာကြောင့်မနွယ်တို့ရောက်မလာသေးဘူး။ ကိုအားအင်နဲ့မဇွန်ပန်းတို့က​တော့သူတို့အလုပ်ချိန်​ပြီးလို့​ပြန်သွားခဲ့​ပြီ။ ဆိုင်မှာသူနဲ့နိုင်းနှစ်ယောက်တည်းပဲရှိနေသည်။

"ရောက်ပြီလား"

"ဟုတ်"

နိုင်းကသူနဲ့​စကားပြောရင်အ​မြဲပဲအမူအရာပါတတ်သည်။ သူ့ခေါင်းကိုဖွဖွလေးပွတ်သပ်ပြီးစကားပြောတာကနိုင်းရဲ့အပြုအမူထဲကတစ်ခုဖြစ်နေသည်။

"ကျွန်တော်ဘာကူပေးရမလဲ"

"ရေခဲသေတ္တာထဲကပုလင်းတွေလျှော့နေလို့ကိုယ့်ကိုထပ်ဖြည့်ထားပေး"

"ဟုတ်"

နိုင်းကသူ့အကြောင်းတောင်အများကြီးမေးမလာတော့ဘူး။ အရင်တုန်းကဆိုသူကျောင်းကပြန်လာရင်နိုင်းကကျောင်းမှာဘာကိစ္စတွေဖြစ်ခဲ့လို့စုံစိနေအောင်မေးနေခဲ့ဖူးသည်။ နိုင်းကစကားမစရင်သူ့အကျင့်အရ​မြူမိုင်းစကားအများကြီးမပြောတတ်တာမို့ခိုင်းတဲ့အလုပ်ကိုပဲတစိုက်မတ်မတ်လုပ်သည်။ သူတို့ပြင်ဆင်နေကြတုန်းမှာပဲမနွယ်ကအရင်ရောက်လာသည်။

"စိုင်းရော"

"ငါဘယ်သိမလဲ"

"နင်နဲ့တူတူမလာဘူးလား"

"သူနည်းနည်းနောက်ကျမယ်ပဲပြောတယ်"

စိုင်းကအမြဲနွယ်နဲ့တူတူလာလေ့ရှိတော့နိုင်းမာန်မေးကြည့်လိုက်သည်။ စိုင်းမရောက်ခင်အထိတော့သူတို့သုံးယောက်တော်တော်အလုပ်များမယ်နဲ့တူသည်။

"မာန်"

"အင်း"

"ငါ့ကိုသဇင်ဖုန်းဆက်တယ်"

"အင်း"

"နင်တစ်အင်းအင်းလုပ်မနေနဲ့"

"ငါဘာပြောရမှာလဲ"