Summertimes Sunset Dreaming 💙 [COMPLETED]

44~You only have me from now on~

~You look very lonely. I will accompany you in the future~

မြူမိုင်းနဲ့သူတို့ကတူတူနေလာတာကြာ​ပြီဆိုတော့တဖြည်းဖြည်းနဲ့တစ်ယောက်နဲ့တစ်ယောက်ရဲ့ခံစားချက်တွေကိုအချင်းချင်းသိမြင်လာသည်။ မင်းမာန်အတွက်လည်းမိုင်းလေးရဲ့အစ်ကို့အပေါ်ခံစားချက်ကသူမြင်နိုင်လောက်အောင်သိသာခဲ့သည်။ အဲ့ဒါကိုသိလျက်နဲ့လည်းသူလစ်လျူရှုထားခဲ့မိတယ်ထင်သည်။ သူပြန်တွေးကြည့်တော့မိုင်းလေးနဲ့ရှိရင်ပျော်ရွှင်နေတဲ့အစ်ကို့ပုံရိပ်ကိုမြင်ယောင်လာသည်။ အဲ့ဒါကြောင့်အစ်ကိုနဲ့မင်းမာန်စကားအသေအချာပြောကြည့်ချင်သည်။

ဒီနေ့တော့အခြေအနေမပေးတာကြောင့်အစ်ကိုနဲ့မင်းမာန်စကားမပြောဖြစ်ဘူး။ မနက်သူထလာတော့လည်းအစ်ကိုကသူတို့အတွက်ပြင်ဆင်ပေးပြီးဆိုင်ကိုအစောကြီးထွက်သွားသည်။ မနေ့ကနေမကောင်းတဲ့သူကသူတို့အတွက်ဖြည့်ဆည်းပေးရမှာကိုတာဝန်မပျက်မကွက်ဖြည့်ဆည်းပေးနေတုန်းပဲ။  ဒီထပ်ပိုပြီးသူတို့အတွက်ပေးဆပ်​နေတဲ့အစ်ကို့ရဲ့တာဝန်သိစိတ်ကအငယ်ကောင်ပြောခဲ့သလိုပဲဝန်ထုတ်ဝန်ပိုးတော့ဖြစ်ရသည်။

"အစ်ကိုသက်သာလားမသိဘူး"

"သက်သာသွားပြီနေမယ်။ ဆိုင်ကိုတောင်သွားပြီဆိုတော့"

"ပြောလို့မရဘူး။ သူကိုယ်သူမသိဘဲမနိုင်ဝန်ထမ်းနေမှာစိုးတယ်"

"အင်း။ နည်းနည်းတော့စိတ်ပူတယ်"

"အလုပ်မသွားခင်ဆိုင်ဘက်ကိုအခြေအနေသွားကြည့်မလို့လားလို့..."

"အင်း။ သွားကြည့်ရအောင်"

သူတို့စကားပြောနေတုန်းမှာမြူမိုင်းကမနိုးလာသေးဘူး။ ဒီနေ့ကသောကြာနေ့မို့မြူမိုင်းလည်းကျောင်းသွားရမှာဖြစ်သည်။ ဆိုင်မှာအစ်ကိုကြီးကိုကူနိုင်တာဆိုလို့အားအင်နဲ့ဇွန်ပန်းပဲရှိသည်။ သူတို့​တွေကိုလည်းအစ်ကိုကြီးရဲ့အခြေအနေကိုပြောပြပြီးအကူအညီတောင်းချင်သည်။ အဲ့ဒါမှမိုးမာန်စိတ်ချနိုင်မယ်ထင်သည်။

"အစ်ကို..."

"မင်းတို့အလုပ်မသွားဘူးလား"

သူတို့ဆိုင်ကိုရောက်လာတော့အစ်ကိုကအံ့သြနေသည်။ ကြည့်ရတာအစ်ကိုအတော်လေးအလုပ်များနေပုံပဲ။ ဆိုင်ပြင်ဆင်တာရောမီနူးပြင်ဆင်တာရောကအစ်ကို့တာဝန်တွေချည်းဖြစ်နေတော့တာဝန်ပိ​နေသည်။