Unocode
ရွာလမ်းမကြီးတစ်ေလျှာက်
စုရုံးနေကြတဲ့လူစုကြီး။
" သူကြီး..ကျုပ်တို့ဗိုက်ဆာပြီဗျို့''!
" သြော်..အခုမှဘယ်အချိန်ရှိသေးလို့
ရှင်တို့ကဗိုက်ဆာရတာလည်း
လာတာမှဖြင့်အချိန်ကပိစိလောက်နဲ့
ရောက်တာနဲ့ဗိုက်ဆာကြပြီ
ေမးပါအုန်းမယ်ရှင်တို့က
စားဖို့လာတာလား အလုပ်ကူဖို့
လာတာလား''
ဝါးခမောက်ကိုယ်စီဆောင်းပြီး
နွားလှည်းပေါ်ကကျောက်စရစ်ခဲ
များကိုချနေကြတဲ့ရွာသူရွာသား
တွေက ရွာလမ်းမကြီးပြုပြင်
ရေးအတွက်ဝိုင်းဝန်းလုပ်အား
ပေးနေကြခြင်းဖြစ်သည်။
နောက်ကျမှရောက်လာပြီဗိုက်ဆာတယ်
ပြောနေတဲ့ရွာသားတစ်ဦးကို
သူကြီးအစားရွာသူတစ်ဦးက
ဖြေလိုက်တော့။
" ဟုတ်ပါ့တော်..မနက်အစောကြီး
လာပြီးလုပ်နေတဲ့မျိုးမင်းနဲ့အဌေးတို့
အတွဲနှစ်တွဲကိုမှအားမနာ''
" ဟုတ်ပါ့ဟုတ်ပါ့..ပူပူနွေးနွေး
လက်ထပ်မဂ်လာပြုထားဒါတောင်
အိမ်တွင်းမအောင်းဘဲဒါနလာပြု
နေကြတာအားနာပါအုန်း''
" ဟာဗျာ..ကျုပ်ကဗိုက်ဆာတယ်
တစ်ခွန်းဘဲပြောရသေးတယ်မင်းတို့
မိန်းမတွေကတန်းစီလို့ပေါက်ပေါက်
ဖောက်တော့ဒါဘဲဒါကြောင့်
သူကြီးကမိန်းမမယူဘဲယောကျာ်းယူ
တာဖြစ်မယ်မိန်းမတွေစကားများလို့လေ''
" ဘာ.. !! ရှင့် ''!!
" ဟားဟား..ဟားဟား.. ''
ရွာသားရဲ့အရှုံးမပေးတဲ့စကား
တစ်ခွန်းကြောင့်ရွာသူတွေဒေါသ
ထွက်သွားဒါကြည့်ပြီးလမ်းပြုပြင်
နေကြတဲ့လူအများစုပွဲကျအောင်
ရယ်ကြတော့၏။
ဒီပွဲကသူကြီးဖြစ်တဲ့သူမတားရင်
စကားရှည်တော့မှာဖြစ်သည့်အတွက်
သူသာဝင်တားရတော့သည်။
" ကဲကဲ.. စကားရည်လုမနေ
ကြနဲ့နေမြင့်ရင်မလုပ်နိုင်ဘဲနေမယ်
အပြောလေးတွေလျော့ပြီး
လက်တွေ့လုပ်ကြတော့''
သူတို့ပြောသလိုမိန်းမတွေစကား
များလို့ကျုပ်ကကျုပ်ကလေးကို
လက်ထပ်ခဲ့တာမဟုတ်ဘူး။
အစကတော့သမီးနဲ့မညားဖို့။
နောက်တော့နှလုံးသားတစ်ခုလုံးနဲ့
အသည်းပေါက်အောင်ချစ်မိသွားလို့။
