Unicode
" သတိုးထက်အာဏာ...... ''!!!!
နံနက် ( 11 ) နာရီအချိန်။
သူကြီးအာဏာခွန်းဆက်ခြံဝိုင်းအနောက်ဘက်က
ထွက်ပေါ်လာတဲ့ကျယ်လောင်တဲ့အသံကြောင့်
ဘေးအိမ်ကလူတွေပါ..ထကြည့်ကုန်ကြသည်။
" သူကြီးသမီးနှင်းနွယ်အသံဘဲ ''
" ဒီကလေးမ..တစ်ဖြည်းဖြည်းအသံပြဲလာတယ်''
" ဟုတ်ပါ့ရှင်ကအရင်က
အိန္ဒြေရှင်လေးပါ''
ခေါင်းရင်အိမ်က ထွက်ပေါ်လာတဲ့ဝေဖန်သံအဆုံး
ကြားလိုက်ရတဲ့နောက်တစ်သံက
ဆယ့်တစ်နှစ်သားသူကြီးသားလေး
သတိုးထက်အာဏာရဲ့အာပြဲလျှာပြဲ
ငိုသံပင်။
" အီးး.. ဗြဲ.. ... ''!
" မပြေးနဲ့.. !! လာခဲ့စမ်း.. ! သတိုးထက်အာဏာ
အခုရပလိုက်စမ်း ''
" ဗြဲ... မရပ်ဘူး.. !! စုန်းမကြီး..''
" ဘာ.. ''!!!
" သတိုးထက်အာဏာ..မင်းနဲ့ငါတွေ့မယ်''
ဒုတ်ကိုင်ပြီးနောက်ကလိုက်နေတဲ့
နှင်းနွယ်ကြောင့်အရိုက်ခံထားရတဲ့
တင်ပါးကိုပွတ်ကာပွတ်ကာဖြင့်
ခြံဝန်းထဲပတ်ပြေးနေတဲ့ကောင်လေး။
" စုန်းမကြီး..မရိုက်နဲ့လို့ ..ဗြဲ..
သားမောတယ်လို့..ဖေကြီးအာဏာရေ..
ဖေကြီးလက်ရာ..မမမြ...မမထွေးနု့..
ဖွားဖွား.... ကယ်ပါ..ဗြဲ.. ''!
"အခုရပ်စမ်း.. !! ခုနှစ်အိမ်ကြားရှစ်အိမ်ကြား
အော်ငိုမနေနဲ့..ရပ်ထား..မင်းအခု့ရပ်ထား''!
" မရပ်ဘူး..လုံးဝမရပ်ဘူး..! ဗြဲ..
အရိုက်ခံရမှာကိုဘယ်သူကရပ်မှာလည်းလို့''
နှင်းနွယ်သူ့မောင်ကိုလိုက်ရိုက်တဲ့အသံကြောင့်
သူကြီးခြံတစ်ခြံလုံးဆူညံပွက်လောကို
ရိုက်နေတော့သည်။
" ဦးရေ..ဦးထင်အောင်..ဦးကလေးကိုကယ်ပါ''!
" ခွေးကောင်လေး.. ကယ်ခိုင်းမနေနဲ့
အဲ့ကောင်ကိုလည်းငါမကြောက်ဘူး''!
" ဗြဲ..သားခွေးမဟုတ်ဘူး..မမသာခွေး''
" မင်း.. '' နှင်းနွယ် ဒီကလေးကိုစိတ်တိုပြီးရင်
စိတ်တိုနေပြီ။ဒီမျောက်နဲ့မော်တော်ပီကယ်စပ်ရထား
သလားအောင်းမေ့ရတဲ့ကောင်နဲ့နှစ်ယောက်ထဲ
အိမ်မှာထားခဲ့တဲ့အဖေနဲ့လက်ရာကိုပိုစိတ်တိုတယ်။
