မြင်းလှည်းသမားရဲ့ ခင်ပွန်းလေး(COMPLETED)

Description

Unicode

ခေတ်မီတိုးတက်နေသော အချိန်ကာလတစ်ခုမှ ဟန်မင်းမောင်ဆိုသည့် အမျိုးသားလေးမှာ ကားအက်စီးဒန့်ဖြစ်ပြီး ရှေးခေတ်ကာလမှ "ဟန်မင်း"ဆိုသည့် ကလေးမွေးနိုင်သည့် အမျိုးသားငယ်တစ်ဦး၏ ခန္ဓာကိုယ်အတွင်းသို့ ကူးပြောင်းသွားခဲ့သည်။

ဟန်မင်းမောင်ကူးပြောင်းသွားခဲ့သည့်မူလကိုယ်မှာ ဆင်းရဲသည့် မြင်းလှည်းသမားတစ်ဦးနှင့် လက်ထပ်ထားကာ အိမ်တော်မှနှင်ထုတ်ခြင်းခံထားရသည့် မာနခပ်ကြီးကြီးသူဌေးသားလေးဖြစ်၏။

ကူးပြောင်းပြီးသုံးရက်အကြာ ကိုစောမောင်၏ ရုပ်ရည်ရူပကာအား သေချာလေ့လာမိပြီးနောက် ဟန်လေး : " ဆင်တယ်ဆိုတာမှ အတော်ကိုဆင်တာ ... ဟန်လေးအကြိုက်အညိုဆင်ဆိုတာမျိုးလေး"

ဟန်လေး၏နှလုံးသားအတွင်းမှ ကိုစောမောင်၏ရုပ်ရည်အား အကဲဖြတ်အမှတ် : 9.999/10

ကူးပြောင်းပြီးသုံးရက်အကြာ ကိုစောမောင်၏ ပစ်စလက်ခတ်အခြေအနေများအား လေ့လာသုံးသပ်မိပြီးနောက် ဟန်လေး : "'ငါ့ကို ဒီအတိုင်းမွဲတေနေအောင် ဆက်ထားလို့ကတော့ ... ဘယ်လောက်ရုပ်ချောချော ဒီယောကျ်ားကို ကွာရှင်းပစ်မယ် ...ဟမ့်""

ဟန်လေး၏ ဦးနှောက်မှ ကိုစောမောင်၏ အိပ်ကပ်အခြေအနေအား အကဲဖြတ်အမှတ် : -9.999/10

ရှေးခေတ်ကာလကိုကူးပြောင်းသွားပြီးနောက် ခင်ပွန်းသည်နဲ့အတူ နှစ်ယောက်သား အတူတကွကြိုးစားစီးပွားရှာကြပြီး အေးချမ်းကာ ရိုမန့်တစ်အပြည့်၊ နွေးထွေးတဲ့ မိသားစုတစ်ခုကိုဖန်တီးပြီး ဘဝကို ပျော်ပျော်ရွှင်ရွှင်နဲ့ ဖြတ်သန်းသွားတဲ့ လူငယ်စုံတွဲအကြောင်းကို စိတ်ကူးယဉ်ပုံဖော်ထားခြင်းဖြစ်ပါတယ်။

ဇာတ်အိမ်တည်ထားတဲ့ ကမ္ဘာက ယောက်ျား၊ မိန်းမနဲ့ ကလေးမွေးနိုင်သော အမျိုးသားဆိုပြီး လိင်သုံးမျိုးရှိတဲ့ ကမ္ဘာဖြစ်တာကြောင့် အမျိုးသားများလည်း ကိုယ်ဝန်ဆောင်နိုင်သည့် ဇာတ်ကွက်များပါဝင်ပါတယ်။

ထို့ကြောင့် အမျိုးသားကိုယ်ဝန်ဆောင်နိုင်ခြင်းအား မကြိုက်နှစ်သက်ပါက ရှောင်ရှားနိုင်ပါတယ်ရှင့်။