لم أكن بغيّا

البارت الخامس عشر

مساء العافية على اجمل عيون

اجلبنك ياليلي وتايه بغابه
صرت شاة وعلي مفتره اذيابه
ياهي للي اصدله مكشر انيابه
يريد ينبت بجسمي مخالبيه

اجلبنك يليلي ١٢ تجليبه

تصويت للبارت تعليقاتكم الحلوة بين الفقرات
مشاهده ممتعه للجميع..

°°°°°°°°

كانما ادين طلعت من السكف حتى تجرها وتوكفها على حيلها تعاين بالسكف سكف بيتهم موكلش عالي عمود رفيع  صارير على طول سكف الحجرة

بدون تفكير وبدون تردد صرت ادور على حبل خيط طويل
اطم عاري بيدي ولا اموتن على ايد ابوي واخواني

رحت للبوفيه طلعت ربطتين شديتهن وحده بالاخرى وكفت ابنص الحجره اعاين لسكف مالوحن لزوم اصعد على شي
جنت اتحرك واتصرف بدون تردد وحتى اهيس ماكو خوف بكلبي من الموت ابكتها جنت رايحه للموت برجلي ولارجف كلبي انه هيج وهيج ميته اموتن بيدي احسن ما يجتولني ويضلون عايشين بقهر جتلتي كل عمرهم عبن  اعرف ابوي واخوتي شكثر يحبوني

بكل كلب كوي ميت من الخوف طلعت للمطبخ ادور على شي اصعد اعلي امي كاعده ابره البيت وسعدية ابيتها وابوي طالع
رحت للمطبخ حاطين كومدي حديد عالي حاطين فوكه جولة
رحت وخرت الجوله اعلى صفحه وجريت الكومدي للحجرة حطيته بنص الحجرة بس هم الكومدي ما كدرت اصعد فوكه عبنه عالي

جريته يم الشباج وصعدت عالشباج ورديت صعدت عالكومدي وكفت اعلى طرف أصابعي
و انه اشدن الربطه بالعمود

بهذا الوكت خفت وكلبي انرعد خفت من الموت من شفته كرب وخفت من عذاب الله عبن اعرف الي يجتل روحه الله يعذبه  بس أنه اريدن الله
ضليت واكفه اريدن اخلص بس هم اريدن ابطل
مابيدي شي اسوي قير اجتل روحي لو دور انفضح وافضح اهلي
اموتن وسري يموت وياي بنص خوفي ودموعي وكفت ولفيت الربطه داير مايدير اركبتي

اهيس رعشه صابتني من فوك لحدر
ادي الكاضه بيها الربطه صارت ترعش
الله غفور رحيم يسامحني عبن اهو اعلم بحالي
سامحيني يمه سامحني بويه خيتي العزيزة  راح اشتاكلج عذريني خيه قصبن اعلي ..
نزلت ادي وسبلتهن مستسلمه للموت

ويه مادفعت حميدة الكومدي ورجليها تلولحن وصارت تنازع الهوى وما ضال غير لحظات وتكطع النفس
طبت سعدية للحجرة وحجت بغير ما تنتبه لحميدة الي معلكة وترفس

سعديه:حميده اردين اشوي تمنات ما...

وكبل لا تكضي حجيها شافت حميدة ملولحة  ضلت تصرخ وركضت كضت حميده من رجليها وصارت  وترفع بيها

سعديه:يبوووووووو يبوووووو حدهننننننن يهل وادم الحكوووووونه يبوووووووي الحكونه يهل وادم حدددددهننننن الحكي بتججج