لم أكن بغيّا

البارت الخامس

مساء العافية على احلى عيون

برتوتي قصير هدية لعيون الياتبعوني متفاعلين

(لسان حال مالك)

ما افيدك .. ! آنه راضي ابحالتي
او حالك .. عله ويصعب مناله
مغتر .. او طبعك عَوَج .. متصلب
او يصعب عداله
انته دمعك بالمثاقيل انشره .. او دمعي
اليهل .. محد بجاله
انته عنبر . وآنه صم ادنان .. وانباع
ابرخص ، محد بحاله
يالسكن وسط الكَلب .. ويوك
متغاوي ابدلاله
انته فاله .. ركشت ابكَلبي .. اولجت
نابين .. واكَعدها الدهر للجنّة اجماله
واصبرت راضي ابعذاب الروح ..
والسكته .. اصبحت وياي
حاله
يلي جامع بين طبع .. الذيب ..
واوصاف الغزاله
حلو .. او عادات الحلو .. من كثر
ما يغتر .. يحط لوله اجماله
ماله وكتي او اياي ، ورطني ابعشك
جذاب ... ماله .. ؟

حبايب لاتقصرن بالتصويت والتعليق والمشاركه القصه وصلت بارت خامس ومجاي تاخذ حقها وتعبي جاي كله يضيع يعني ليش تقرون وتخرجون من بارت بدون متركون شي لهل درجه القصه متستاهل

مشاهدة ممتعة

°°°°°°°°°

علوان:جبار وصاحب ردوووو جبار وصاحب ردووووو...

نفزعت من بكاني واني اسمع علوان يصيح ركضت طلعتلة انشدة

حميده:علوووان منهوو رد ولك

:جبار وصاحب ردوو

جاوينهم شو ماكوو جبار

:عفتهم يمشون عالشارع وجيت اركض هساع راح يوصلون

كلبي صارت طبول تدك بي..مامصدكه ردووو سالمين من بعد هل ايام الطويلة المرت .. اريدن بس رجفة جسمي توكف ماكو.. اهيس راح انفضح وابين من رجفتي ودكات كلبي ركضت ورة البيت لحبيبه الواكفه تخبز بالتنور الطين

:حبيبه جبار وصاحب ردووو

:ييي سمعت علوان ايصيح نحمد الله اعلى ردتهم

حجيت بفرحة ،، خيه اهيس كلبي يريد يطلع من بكانه چنه حصان يركض موش كلب

:بهداي لا امي تشوفج هيج هل ردو بعد اعليش هل رجيف

كعدت على دچه بصف التنور وايدي اعلى كلبي

:خايبه موش بيدي موش بيدي

:دضلي هنا يمي لاتردين للبيت وانتي هيج حالچ

نسولف ونسمع حس علوان ومرت ابوي وازهار وامي ايتلكون جبار الدخل توه للبيت ويرحبون بردته ويتحمدوله بالسلامة ..
خليت ورحت واشوف جبار حاله بعد اردة من حال ستار من رد.. هم كاضي وشصاير بحالة متوكدة صاحب هم هيج حاله
رحت حبيتة وسلمت علي

:الحمدلله على السلامة خويه شلونك

:هله بيج حميدة الله يسلمج شلونچ انتي