لم أكن بغيّا

البارت السادس والثلاثون

مساء العافية على اجمل عيون

شسولفلك تريد ؟احجيلك شسويت ؟
بيدك شككتني شلون تقراني؟
انه بصوتي هذا المايعجك شوف
من ونيتلك بجيت جيراني
انه الشجرة العفتهه بوكت شح الماي
وجفوف الغرب كسرت عوداني
انه ميت كبل لاموت مثل الناس
بس احفظ اسراري الوكت خلاني
متت موتت شعر عد شاعر اخر س صار
لايقراني غيرة ولاهو يقراني

#يمامة 🖊📖

مشاهدة ممتعة للجميع تفاعلكم للبارت

♡♡♡♡♡

مخبرين موجودين بكل مكان 
بين المدرسين مخبرين
بالكهوة مخبرين
بالسوك مخبرين 
وبذاك الوقت الحجاية الي الكل يعرفها هيه الحيطان الها أذان
والواحد بنص بيتة يخاف يحجي شي ضد النضام  والناس تخاف
ومالك العين جانت علي  ومشكوك بي انو عده تحركات ضد النظام  لكن مالازمين علي شي لزم يد وهو اصلا جان حيل.حذر بتحركاتة

لكن وصلت إخبارية انو هل شخص علي علامة ❌ وعنده شي  راقبو لحد ما وصل للشقة رنا 
ثاني يوم راحو للشقة  رنا موجودة هيه وابنها بالشقة
سمعت دكات الباب القوية  وقبل لتفتحة عاينت من العين السحريه  من شافت الشرطة

:يماااا عزة  الأمن اوووف مالك الله لايوفقك علة هل موقف الخليتنة بي

ضلت ترجف من الخوف وتفرك بأديها  والباب يندك وكل ما تتاخر بفتح الباب يندك بقوة اكثر   قوت روحها كوى وفتحته

:نعم تفضلو

:وين زوجج

:ززوجي مو مو هنا ليش شتردون

:ليشش تأخرتو بفتح الباب

تحجي وهيه ترجف خوف

:اني جنت جنت بالحمام مسمعت الباب اعتذر

الشرطي يباوع لتوترها وخوفها

:زوجج  عنده نشاطات معارضة  ومطلوب القاء قبض عليه

:لا لا زوجي كلشي معنده أبد

:مو أنتي الي تكولين عنده او لا  فتشووو الشقة

ضلو يفتشو ورنا ترجف ولازمه ابنها  وبعد تفتيش دقيق ونفشو حتى الملابس مالكو شي

:تعرفين وين يكون هسه

:ماعرف اني مو زوجته الوحيده عنده بيت ثاني احتمال هنا ماعرف بس هسه وقت دوام يمكن بالدوام

:وشبيج هيج مرتبكه

:لا مابيه شي مابيه

خلو وطلعو وتركوها بنص الهبطة جانت  بنهاية الثامن من الهبطة ضلت تلوج من بطنها  
حاولت توصل لحبيبة وتكلها اذا عندج كتب لو شي تخلصي منهن بس حبيبه مجان عدها تيلفون بالبيت  راحت اتصلت على الدوام بمالك