لم أكن بغيّا

البارت الثامن عشر

مساء العافية على اجمل

امهات الگيمر وريحة خبزهن
مطر بشّر بالزرع والكاع هيمه
وغبشت الحلوات فرحة ..والفرح ياهو اليديمه
وانه وانت
ماارتاح الحادي بينه .. ولاتلاكينه اعله صدفه
وكالو الصدفه نميمه

#الكاتبه :يمامه #مشاهدة ممتعه للجميع #وقبل كلشي حبايب اتركو تصويت وتعليق بين الفقرات#

°°°°°°°

كاعده انه وشهله نشرب جاي ونسولف وطب مالك من برة وجها ينطي ألوان ومستعجل وراه طب عمي هم مستعجل وراح لحجرته
ركض للحجرة وصاحلي كمت من بكاني وركضتله للحجرة لكيته نازع دشداشته وفاك الكنتور يطلع قميص وبّطرون

حبيبة:مالك شنهي صاير شمالك وين رايح مستعجل

حجة وهوة يلبس بقميصة

مالك: رايح للبصرة

هد البيدة واجه وكف اكبالي

: حبيبه اخوج جبار متصوب وهساع اهو بالمستشفى بالبصرة

لطمت على خدودي بحركة

حبيبه:يمة احبيبه صخام صخمني مالك جبار شصايرله الحسين عليك كلي لاتضم اعلي جبار ميت ميت مالك كلي اخوي شماله

مالك: اهدي اهدي ولله ماميت بالمستشفى صارله ثلث تيام مصوب

حبيبه:عمت عيني اعليك خويه ثلث تيام نايم بالمستشفي محد يدري بي مالك تعرف شبي كلي برد كلبي فدوى وين صوابة

مالك: ماندري ولله بعدنه هساع راح ناخذ ابوج وانروحله انه ابوي وابوج

حبيبه:ياهو كلكم شدراكم انتم

مالك: ولد من السلف اليوم نازل واجه كبل كال لابوج جبار متصوب وبالمستشفى وهل رايحيلة لا تخافين ان شاء لله ماكو شي وخاف انتأخر لاتنطرين يجوز انضل هناك الليله روحي نامي عد اختج اذا تردين

كعدت ابجي ودك اعلى رجلي

:سوده اعلي ياخوية عمت عيني اعليك كون يبعد جبدي

أجه مالك كعد على اركبة جدامي

مالك:حبيبه ولله مجاي اجذب اعليج اخوج عايش وان شاء الله يكوم مابي شي ماريدنج تضلين تحمسين بروحج لخاطري

هزيت راسي وانه ابجي

ان شاء الله ان شاء الله

سمعنه حس عمي من جوى يصيح لمالك
راح مالك طلع فلوس من الكنتور حط بجيبة ونزلنة

الشيخ:عمي حبيبه ان شاء الله مامش شي واخوج يردلج سالم

حبيبه :بحيل الله مابي شي

الشيخ: يله بويه مالك مشينه خضير متاني

حبيبة:الله وياكم