مساء العافية على اجمل عيون
حبيبة
طحنه ابوسط شلوة هفه وكل ذيب يبرد سنّه...
ردنه نكف وانهوش نحمي الروح ما أمجنّه....
وانت ابجلادة عين صحت: اكلنّه....
وما طول راضي ابموتنه ...استاطنّه....
آه يا خسارة نوحنه ويا رخص ذيج الونّه...
ردفن علينه اسهامكم ....واعله الصبر دامنّه....
لا إحنه للدنيه صفينه ....ولا هوه الدنيه النه....
متبدل ابطبعه الوكت ...لو أحنه التبدلنه..؟؟؟؟
#يمامة📖🖋
مشاهدة ممتعة للجميع تفاعلكم للبارت
♡♡♡♡♡♥︎♡♡♡
شهلة:اسبوعين مرن على البيت مثل السم الكدر مغطي علينة اللكمه محد يأكلها بنفس
عمتي حدهن عيونها عمن يمته ماطل اعليها تنعة.. جبار اهموم الدنيا اعلى راسه وعمي نكسر كسرة من الزينة البيت صار ما يهودون بي ساكنين الدروب ويدورون وينشدون
هيج بساع دجلة غابت ولا الها اثر بين وهل شي اكثر ماذيهم
شهلة:عمة عيونج طفن وتالي
حدهن:عساهن بالعمة كون شلي بشوفهن راحت بنيتي وراحت الضلتلي من ريحتها الموت استعيل اعلى حميدة وخذاها كلت اي ضلي شي منها يصبرني ويطيب صواب كلبي ولكم بت هيج تروح وين راحت هساع لو ميتة ولاكين الها اثر جا هودنة
لجن غطت ومانعرف شحالها انباكت ضاعت ابن حرام خذاها هساع وينها بياكاع
عايشه؟ ميتة ؟جوعانه ؟يوشبعانه؟ اوووووف يحبوبه عمت عيوني اعليج كون ولاشفت بيهن كسرتينة يحبوبة تعاي وشوفي حالنة اخلافج
شهلة:هدي يعمة بلكن ربج يرحم بحالها وحالنة
حدهن:تعااااي يحبوبة وشوفي خالتج شصاير بيها سوده ابجي يا يمة حبيبة
حبيبة من يوم الصار وهيه منتيهة والاكل كاطعته حتى حليب ماضل بيها
الي يومين طبيت بشهري وبطني شعلاتها وثكيله
ضليت افترن وانه بطني تلوي بية ضليت اروح وردن بالحوش طلعت عمتي شافتني
سعدية:ها يشهلة اشوفنج تحوسين
شهلة: مدري يمعة جنة وجع اطلوك توة
سعدية:دلبسي عباتج وخل اخذنج للجدة تكشف وتشوفج
:ياعمة شيمشيني انه اسحل برويحتي طرشيلها خلها تجي
:لا ماطرشلها خل نمش ليها وانتي هم امشي وحركي روحيتج
:مابية يعمة
أنت تقرأ
لم أكن بغيّا
Randomأسير في حلقة مفرغة , في قبر الأخطاء القديمة، العميق والمؤلم. بدأت من نقطة مظلمة هي الرحم، وأسير نحو نقطة مظلمة أخرى هي القبر، إحدى القوتين تقذفني من هاوية مظلمة والأخرى تسحقني بلا إنقطاع في هاوية مظلمة اروي لكم قصة ... من ارض ميسان العمارة.. رواي...
