لم أكن بغيّا

البارت الخامس والاربعين

مساء العافية على اجمل عيون

ودي ابوكن جسمي وابعد
ودي افك باب السنين السودة واشرد
ودي لكن
حطو برجلي جرس يشهد علية
وبس اشيلن خطوتي الحراس تكعد

#يمامة🖋📖

مشاهده ممتعة للجميع تفاعلكم للبارت

********

:لحضات توقف الوقت بيهن نضراتي حجت خيبة الأمل ونضراتها حجت الصدمة الي انتابتها لحضة الشافتني لان أكيد ما جانت متوقعة ها لقاء وبهل وقت بالذات

بلعت ريكها وصارت تهز راسها وكأنها تكلي اني موهيج لكن أكيد ماراح اجذب عيوني

هزيت راسي بخيبة أمل :كملي هزز

تراجعت خطواتي للخلف وتركتها ومشيت اطلع من المكان امشي بسرعه اريد اطلع من الحفلة احس الهوى نكطع هناك وما عدت اكدر اتنفس وعيوني تنرسن دموع وكلبي مثل النار مشتعلة بي
اجة صوتها من وراي تركض

باااااسط بااااسط اسمعني بس اسمعني اوووكففف باسط اترجاككك

لحكت بيه لزمت عكس ايدي توكفني فورآ نترت ايدها
توقفت عن المشي صدري يصعد وينزل بنفس قوي
رفعت راسي للسماء اطلب الصبر من صاحب الصبر
وكفت كدامي بلبسها الي مامخلي تفصيلة بجسمها ما بارزها حتى الي مايركز بيها لبسها يجبر الشخص يشوف

حجت وهيه ترجع شعرها وره اذنها بهوسه

:باااسط اسمعني فدوة بس خل افهمك

:شسمععععع مايحتاج اسمع شي كافي الي شفتة كلش كافي شنو الي تردين تكولي شنوو جذب عيونك وصدكني

:اعرف شما راح اكلك مراح تصدك ولااكدر ابرر موقفي او اكلك الي شفتة جذب لا الي شفتة صحيح اني كاوليه هاي الحقيقة الي شما احاول اشرد منها تلحكني

مااكلك سامحني لو انسى الي شفتة الي شفتة يمكن تشوفه مرة ثانيه وثالثه لان ببساطة هاي شغلتي

ابتسمت بأستهزاء وصفكت بيدي

:والنعممم اهنيج على هذا الشغل الله يقويج

: الي اريدك تعرفه اني مجبورة على هذا الوضع غصب عني

:ماكو شي بالدنيا يجبر بنيه شريفه تبيع روحها وتعرض نفسها لفلان وعلان الشريفه الموت اهون عليها من هل وضع الشريفه اذا يخيروها بين الموت والعار بدون تفكير تختار الموتتت

صكيت على اسناني وأشرت عليها باصعبي بقهر ... انتي .. انتي لو شريفة جان فضلتي الموت على وكفتج هاي وانتي تتمركصين كدام اليسوة والمايسوه بس الضاهر بايعتها انتي