لم أكن بغيّا

البارت الثالث والعشرين

مساء العافية على اجمل

○○○○
موت احمر يلف
ابن آدم بحنه
موت ابيض
بهالي الموته يتعنه
حصاد أرواح
يتخطى بسواجينه
شك ازياج شال طيورة للجنة

مشاهدة ممتعة للجميع تفاعلكم للبارت

°°°°°°°

ذبيت روحي فوكها صارخة بصوت اضن كل السلف فز اعلي

:لاااااااااااااحميدددددددددة   لااا ما ميتة  ماميتة اخيتي  ولله نايمة مالك حميدة تعبت ونامت وهساع تكعد

رديت انكت بيها 

كووومي خية كومي بتج جوعانة

مالك:حبيبة كااافي عيني ميصير هيج تسوين  لاتأذيها

حبيبة:ماااااالك اخيتتي اخيتي  هدتني شلوووون بيه
ااااااخخخخخخ ولج يمة تعاااااي وشوفي بتججج

ضليت الطم على وجهي  ومالك كوة يلزم بأدية

الشيخ :عمي البكة براسج يابوية لا تصرخين عد راسها حراام وما يجوززز

الكل يحجي يمي ويهدي بيه وانه ما سمع احد بيهم  كاعده عد رأس حميدة المقمضة
حطيت راسي اعلى راسها  وابوس بكصتها وخدودها

:يااااخيتي  هيج تهديني   هيج صاحب اعز مني ورحتيلة   كووووومي خية كوومي وكليلي هاي اني مابية شي كووومي  رضعي بنيتج   كومي وفتحي عويناتج الزرك ولج حميدة لاتهديني ولج خيتي ونيستي ليش تهديني ابحدي  ولكم ياوجع كلبييييي اخخخخ بوية

عمي ومالك هدوني وطلعو

قصت روحي بالبجي والنوح والوم والعتب
وحجيت يمها وعاتبتها وتوسلت بيها وحلفتها بايامنة الحلوة ومسامرنه وعرايكنة  لجن الميت شنهي اليكعدة
اخيتي مثل فلعة الكمر مقمضة عيونها  ونايمة ولافززها صريخي ولانوحي ولا حزني عليها
اجاها صاحب اخذها ويا راحت لحبيب كلبها وهدتني  ولككك صاحب عوفلي اخيتي عوفها

صرت احطن خشمي بنحرها وجرن نفس وابوسنها وخرت الربطه من راسها  شعرها الاشكر صرت اشمنه وابوس بكصيبتها
وكفت من الصريخ المايفيد وضلت دموعي التصب والنشقة التشك صدري وتطلع منة
حاضنة راسها بيدي وشوي احبن كصتها احبنن عيونها احبن حلكها  اشمن نحرها وحبنه  اشمن شعرها واحبنة

:رددديلي يبعد حيلي رديلي يبعد عيوني  رديلي مثل كبل امشطن شعرج بيدي
رديلي خاطر اتعارك وياج مثل كبل  رديلي يختي ولا تخلين نار فاركج توج بكلبي

آخر شي جيت مددت يمها وشبكتها  اريدن اشبع منها ماينشبع منج   ماينشبع  اريدن افتح كلبي وضمنج بي  ماريدنج تصيرين بحضن التراب

ااااااخخخخخ ربيييي 

امددة ابصفها وامسح على خدوها  واتذكر سوالفنه كبل ...