مساء العافية على اجمل عيون
وشنسة من ذيج السنين العودت كلبي اعله حبكم
وليش ماكتولي من حمل ضعنكم
ردت اكلكم
اخذو كلبي المامخلي اعيوني تغفه ولا ايحبن غيركم
وليش عفتوني بطرك حزني ودمعتي وجلمة الجاوينكم ...
بارت قصير
تصويت للبارت تعليقاتكم الحلوة بين الفقرات
مشاهده ممتعه للجميع
°°°°°°°
مالك:لاحوله ولا قوة الا بالله العلي العظيم
البقاء لله روحي صبري اعلى اختج صاحب جابو شهيد
مالك حجه هيج انه ابكتها جمدت ابكاني ما اجه جدامي ابنادم غير اخيتي كبل صارت جدامي لو اهلي دور بيها شنهي اليصير اجاني مالك يهز بيه ويحاجيني
مالك:حبيبه كولي يالله شمالج صكيتي حبيبة
حبيبه:حميده حميده حميده ماضلت بحلكي غير هل جلمة طحت بالكاع وصرخ
حميدددددده ياخيتييييي حميددددددده شلوووون بيج خيييية
مالك: حبيبه اهدي اعلى كيفك رحييييييمه جيبي ماااااي حبيبه اسمعيني اهدي شجاج ولج
على صريخي اجن عمتي وشهله وانه اصرخ وصراخي ولوعت كلبي هاي ما جانت اعلى صاحب عبن مات وهد اخيتي بالضيم صراخي على حميدة الضيعت روحها
اجت رحيمة تركض وجابت ماي مالك صار يقسل ابجهي
مالك :اعوذ بالله من الشيطان الرجيم اهدي اهدي
الشيخه: شمالها مرتك شجاها
مالك:صاحب يمه جابو شهيد
الشيخه: ياااا إلى رحمه الله
جامرتك شدعوها هل لطم شنهي اخوها جايبي
مالك:يماااا لخاطر ربج وكته هل حجي تصرخ على اختها المكرودة
حبيبه:مالك مالك اخذني فدوى اقديلك اخذني
مالك:ايي راح اخذج بس تعاي اصعدج للغرفه لبسيلج ثوب اسود وعباه جا ترحين هيج
مالك يريد يكومني انه لزكت بالكاع ابجي ورجلي بادن كوة شالني ولزمني صعدني للحجرة
كعدت اعلى الجرباية انوح ومالك خطي هوى فك الكنتور وضل يخم بالهدوم
حبيبه:اااااخخخ ياخيتي عمت عيني عليج خيه شلووون بيج ولججج شلوون هذا حضج
حجى مالك وهو يكلب بالهدوم
مالك: حبيبه شنهي ماعدج ثوب اسود
رديت علي وانه انشغ
حبيبه:هدوم محرم بّصره يمك
ضل يدور ليما طلعلي ثوب وربطة
مالك:كومي ياعيوني لبسي ثوبج
اهيس جسمي ميت لدرجه كام هو يرفع بديه وبدلي ثوبي بيدة وانه انوحن
مالك:على كيفج حبيبه هذا حال الدنيا وانتي مؤمنه اذا انتي هيج حالج شلون تصبرين على اختج ولاتنسين انتي حامل مو تضلين اتدكين انه هم اخافن اعليج وعلى ابني
أنت تقرأ
لم أكن بغيّا
Ngẫu nhiênأسير في حلقة مفرغة , في قبر الأخطاء القديمة، العميق والمؤلم. بدأت من نقطة مظلمة هي الرحم، وأسير نحو نقطة مظلمة أخرى هي القبر، إحدى القوتين تقذفني من هاوية مظلمة والأخرى تسحقني بلا إنقطاع في هاوية مظلمة اروي لكم قصة ... من ارض ميسان العمارة.. رواي...
