لم أكن بغيّا

البارت الثالث

مساء العافية على اجمل عيون

كتبنا على الجرف أسماءنا بعود
وحفظها الروج ذمة بركبة الطين
وخلينه النوارس على الحجي شهود
ودفنه أسرارنا بفي البساتين

:يمامة

تصويت للبارت تعليقاتكم الحلوة اضافة للحساب مشاهدة ممتعة

°°°°°°°°

حبيبه

:دش علينة ستار لو احنه صرنة نتراكض ونتلاكاه ولتمينه علي نبوس بي بكلوب ماليها الشوك والخوف .. هذا حالنا من يرحون هو وستار ليما يردون احنه حاطين كلوبنه بشيشة ومانعرف ياساعة يموتون وسعدية بوكاحتها وخبثها على امي لجن كل ما ينجاب طاريهم تهل دمعتها ..
رد النه ستار نازل مجاز تعبان ويجر بروحة وصاير املح والضيم ياحاله مت عيني كون
ضلو ابوي ومرتة ينشدون بي عن احواله

خضير:بويه ستار شلونك عافيتك
يرد بتعب وحلكه مفطر

ستار:الحمدلله بويه هل تشوفني على الله

سعيدية وهيه تبجي وتحس خشمها بشيلتها :سودة اعليه يمه شصاير بحالك

:جا يمه وين احنه غير بحرب وصايرة للظالين بنص الموت والنار اذا يمر الشهر واحنه سالمين نحمد الله ونشكرة ..

سعدية:يمة چا اخوك عليش ما اجه وياك

: انه بچان وهوى بچان آخر ومانتشاوف اله القليل

:ولك قير تنشد عن اخوك وتشوف وينة يمة اخيك كلش تأخر هل نوبة

ستار،، ⁦اروح فدوة يا يمة اني وين كاعد واروح انشد علي ولله كل واحد لازم بكانة

خضير:سعدية موش وكته هل حجي الولد اتعيبان خله يرتاح ونوب نسولف

ستار:يمه اغديلج فدوة رايد اخض روحي واسبح عبن چاتلني الوصخ كلش أضن حتى صواب وگمل صاير بيه

سعديه:ييي يمه ابطن عيني ولج ازهيرة زهبي الحمام لاخوچ خله يسبح بساعج

حاجتنه امي

حدهن:گومن حضرن الغده بساعچن يله ..
هله بيك يمه ستار نحمدلله اعلى ردتك سالم

ستار:الله يسلمج يمة حدهن شلون عافيتج

حدهن،،هل تشوف حالنه بخير لو ما خوفنه عليكم

ضلينه نتراكض انه خبزت و حميدة وأزهار يزهبن القدة ومرت ابوي وابوي وامي مجابلين ستار وكاعدين يحجون وياه ..
رجليه مطگگة من البسطال ووجها اسمر ومكسب وخدوده امشگة وگوى يتحرك

اكل بقير مايحجي شي ساكت ويرد.اعلى كد..السعال وبيومها اكلنه سوى عبن مكيفين بردته
عكب ماتقدة لف راسه ونام يشخر تعباان كلش

رديت لبيتنة والكه حميدة مقندبة و كاعدة ولامة رجليها ومخلية ايدها اعلى خدها وتطحر ..
هاي انه اعرف علتها شنهي.. رحت كعدت يمها وهيه صافنه دقيتها بعچس ايدي