لم أكن بغيّا

البارت التاسع عشر

  مساء العافية على اجمل

هلي وموش بهلة الينكاد خسران
هلي اكثر من زعلكم كلبي تعبان

مشاهده ممتعه للجميع  تفاعلكم للبارت 🥰

°°°°°°°°°°°

 سبع شهور مرن اعليه وانه هنا  محد من اهلي دره عني  حتى امي  توصل لحبيبة وماتمر اعليه  والعرفته من حبيبة ابوي محلفها يمين ما توصل الي
شكثر مشتاكله الكم هم تذكروني هم تنشدون اعليه هم تشتاكولي يهلي  يو حسبتوني ميتة
كلبكم مايرف اعلى بتكم   ايييه ايييه وين خذتني الدنيا وين ودتني

ايدي اعلى بطني التتحرك  وتخليني اتبسم قصب عني
وجنها تحاجيني  وتكلي يمه انه هنا انتي موش وحدج  جنها اتحرش بية وتضكرني بوجودها

:يمة شمالج تحوسين  شنهي متضايكة رايدة تطلعين   المن طالعة ييمه خليج ببطني  أمن الج  تطلعين للوم  لو لحجي الودام  خليج خليج هنا يبعد جبدي  ودي اخليج ابطني العمر كله

ماعندي بوحدتي قيرها ونيس  اتسامر وياه  واحسنها تسمعني حت لو حجيت بكلبي
كاعدة بين اربع أطوف  ماكدر اطلع منها   شاردة من العيون  النضرهن  بعدال الف طعنة من خنجر مسموم
واللسانات الجلمة  منهن بعدال سيف شاطب
اختاريت اصيرن سجينة الوجع والوم  وسجينة ذنب  مانادمة اعلي 

بس الشي الافكر بي بتي لو اجت لدنيا
اخافن اعليها من الناس  اخافن هيه التتعذب ابجاني 
اعاهدنج ييمة اصيرلج الام والآبو  اضمنج بروحي وماخلي ابنادم ياذيج يو يقثج بجملة
طبت رحيمه الي

رحيمه:ها يمه حميده شلونج

حميده:الحمدلله نعمه  اشوفنج متضايكه وتنفخين

رحيمه:خايبه طكت روحي من هل ولد الما ينرد شلع كلبي

حميده:شنهي شماله

:خايبه جاتل روحه اعلى شهله ويريد يروح نوبة الاخرى يمشي اعليها

:خلي يمشي اعليها اذا هاويها بلجن الله  تصير من نصيبه

:يا نصيب يمه فدوة رحتلج احنه وين وهمه وين  جا موش راح ذيج النوبه  وردو
انه اخافن اعلي عبن اعرف يكسرون كلبه انه بس هل وحيد عدي لو صار بي شي من القهر وين اطي وجهي انه

:الشيخ خوش زلمه  بلجن يرضى

:خوش زلمه وحد ومن تصير يم بته وحده مايطيها انه اعرفنه

:ادعليه الله يسهل أمره

:انتي شلونج اليوم امس بطنج ماذيتج  خفت كلت لانوب مثل اختها تولد بالسابع

:لاكواكه راح الوجع 

:الله يعاينلج ييمه ويصلح الامر بينج وبين اهلج

جريت حسرة

:اهلي كطعت الضنه منهم ماضنهم يذكروني انه عدهم ميته بعد