مساء العافية على اجمل
ح
ميدة
يوم حب بارد جمعنة وعرفت مانشتعل
ردت اجيب الروح كوة البيتك المسكون
لكن مارضت دكت رجل
كالت الشرفة كمين وخوفي من عدهة يطل
كلشي بيها مو حقيقي حتى هذا الكمر لعبة
من خلص دورة وطلعنة نزلو اهلة بحبل
والنوارس مو طبيعية النوارس
كل مهمتها تفرح الناس وتبجي الجرف من تنكتل
مشاهدة ممتعة للجميع تفاعلكم للبارت
°°°°°°°°
رحمية:كاظم كاظم يمة كوم يبعد امك اكل لكمة من الضهر ماماكل شي وعلى نومتك
كاظم ولك يمة كاظم كوووم تنده بي وهوة ما يحترك
حست جن جسمها مات اجت بساع وحطت على رأسها على كلبة
للحضة توقعتة ميت بس من حطت راسها على كلبة كلبة يدك
كاااظم يمة كوووم شجرالك
فز من نومة بس كوة يشيل براسة وعيونة امرمة
وجنة ما سمع صياح امة هذا كانو فاقد الوعي
كاظم:شبيج يمة
من كعد رحيمة هدتة وطاحت بالكاع حيلها بايد
صارت تبجي
رحيمة:ولك ابني ليش هيج تسوي بيه عدالي بيك شي خايب يمة اهيس كلبي طلع من بكانة
كاظم:مابية يمة بس تعباااان كلش
رحيمة:من الضهر وانت هاي نومتك شنهي اول تالي هيج تضل انوب ما تحركت من بكانك خايب كليبي وكف خاب يمة بس انت الي لا تشل كلبي
كاظم:يمة تعباااان هديني اريدن انام ماريدن افز اذا ضليت كاعدة اتسودن وسويلي مصيبة بهل ليل احبن ايدج خليني
رحيمة:شمالك هيج مصخن يمة دكوم اكل
كاظم:ماكل وشبعان متخوووم ماكل قهر وظلم ماكل المر وطالع من خشمي هديني بحالي ول يرحم اهلج
دار وجها للحايط بس عينه هيهات تغفى صافن بالحايط ويفكر بشهلة ويتخيل شلون هساع هيه يم احد غيرة وامة هدتة وراحت
شهلة:حاطيني بحجرة ارجف افرك بدية شكثر اهيس روحي وحيدة ومحد الي رغم حبيبة ولاهدتني وحدي ضلت حايرة بية بس الام ماكو شي يعوض بكانها
شكثر مرت ايام تمنيت امي وياي بس هاي المرة اكثر مرة تمنيتها وحزنت جيف موش وياي
ماعرف شنهو المتانيني بهذا البيت الجديد كاعدة ابدلت عرسي وانه وجه رجلي ماشايفتة لهساع
شكثر احاول اشوش بالي ومافكر بكاظم بس غصب عني يجي ابالي وكولن شحاله هساع هم عرف بية عرست
كاعدات يمي بالحجره الشيخة وعمتي وحدهن كاعده وياهن
الشيخه اول ماطبت الحجرة ضلت تفر براسها وتعاين
أنت تقرأ
لم أكن بغيّا
De Todoأسير في حلقة مفرغة , في قبر الأخطاء القديمة، العميق والمؤلم. بدأت من نقطة مظلمة هي الرحم، وأسير نحو نقطة مظلمة أخرى هي القبر، إحدى القوتين تقذفني من هاوية مظلمة والأخرى تسحقني بلا إنقطاع في هاوية مظلمة اروي لكم قصة ... من ارض ميسان العمارة.. رواي...
