لم أكن بغيّا

البارت الثاني عشر

مساء العافية على اجمل

غابت شمس طلعت شمس .. رد ع الوعد ما جاني
نتواعد بحدر السلف .. يم بقـﭼة الرماني
غدار من بعد ألوفه .. ما عاد يوم ولا لفه
وﮔليبي أضناه الجفه .. رد ع الوعد ما جاني

تصويت للبارت   تعليقاتكم الحلوة بين الفقرات مشاهدة ممتعه

°°°°°°°°°°

ماده راسي من الباب واتنوع لدرب اتنوع   عالرايح والراد  وعيوني تنشد الدرب

.. وين صرت يصاحب كلها راحت وردت وانت مامش شنهي الجرالك وهيج توخرت   شكد يوجع الكلب المناطر والصبر

  اجاني حس امي وصحاني من صفنتي وخلاني حسيت دمعتي التوها نزلت وبعدها ما وصلت لخدي ..

حدهن:شنهي رايج تضلين كل يوم كاضه الباب

درت عليها

حميده: ها يمه لا بس هيج اتنوع للعالم

حدهن:دسدي للباب وطبي لا يشوفج ابوج كاضه الباب ويحجي اعليج يمة

طبكت الباب الي هوى تنيكات مدكدكيهن  وكاضيهن بخشب وصاير باب .. رحت كعدت كضيت عوده زقيره وصرت اسوي نكره بالكاع
اجت امي كعدت  وحطت ايدها اعلى رجلي وحجت

حدهن:يرد يمه يرد شمالج مدوهونه وحسبة توديج وحسبه تردج

خذت نفس زرف صدري مثل النار

حميده:لا يمه مامدهونه  لجن كلها راحت وردت وهو بعده

:حدهن:يمه جا هو رايح ايتونس غير ازلمه بالجبهة وهل تشوفين هل شبان كلها حالها من حاله واخوتج وياه

:شفتي يمه بالراديون كل يوم يطلع واحد ماخذينه اسير

:الله لايكولها مامش شي يرد بحيل الله يرد

مرن جم يوم وسمعنه صاحب رد اهيس الكاع ما لمتني تمنيت وردت اشوفنه لجن ماكدرت شكثر ما حاولت اشوفنه ماكدرت كبل جان يطرش سعد الله يرحمه هساع ماضل احد يطرشة

امي راحت شافته وردت وانه ضاله لاكدر اشوفنه ولاكدر احاجيه
ابوي منعني من عدهم دام صاحب بالبيت مايخليني اروحلهم جيف خاطبني عيب اروحن
بس الريح كلبي وخلاني غفيت ليلي  رد بخير.. كلش كافي   رد سالم مابي شي الحمدلله

ومرت الأيام والأيام صارن اربع شهور   وهل الاربع شهور ماشفت صاحب بيهن قير مره وحدة

ولاحجينه ولاوكفنه   والسمعته مايصير يسرحو من الجيش 
كضة الصيف واجانه البرد
لين ما بيوم واكفه اخبز  تنوعت صاحب من بعيد موكف 

اشرلي بيده  بمعنى انطرج الليله يم الجمالي
هزيت راسي ورديت اخبز وهو راح
كضيت خبز ورديت للبيت   طبت امي حاطه نفط بالچوله