لم أكن بغيّا

البارت الحادي عشر

مساء العافية على اجمل

لتأمن الفرح دور جيوبه وشوف جايبلك دمع بس تخلص الفرحه
تاجر دنيتك والسوك ما مضمون
والربحان  ابد ليكيف بربحة

تصويت للبارت تعليقاتكم الحلوة بين الفقرات     مشاهدة ممتعه

°°°°°°°°°

صافنه ودموعي تهل شنهي الصار هيج بساع بساع  من فرحة لمصيبه   هل دنيا شكثر ما تتأمن تطيك فرح   مثل ما تغمض عينك وتفتحها  تجيبلكم شي لا اعلى البال ولا اعلى الخاطر
   كبل جم يوم مكيفين بمشية حميدة وصاحب  ابرها بيومين نفجعو بمصاب  سعد بقمضت عين الولد قرك ومالحكو علي شلون وشهني الصار  مانعرف هاي الفروخ كلها تسبح بل شط  ماصار شي  جا منيته ودتة  يو حظ امه المسيجينه يو حظ اخيتي   اوووف ربي

هساع عرفت شنهي معناتة الحلم الشفتة   وضليت خايفة منه 
شفت حميده لابسة بدلة عرس لجن بدلتها كلها طين ودم  ويعتون بحميده  من ايد الايد ...
فزيت مفجوعة والنفس كوة اخذنه ..

كضت فاتحة سعد ثلث اتيام  كضن بصراخ امه واختة  ونسوان السلف كلهن راحن   ورحنه انه وعمتي  كل يوم نروح ونرد  و اليوم اخر يوم
امه تكسر الخاطر  واخيتي موش احسن من حالها   وفوك القهر عيون النسوان بالفاتحة ايتنوعن ليها جنها هيه كاتله الولد  ويذبن حجي  عود كرفتها فكر

نزعت ربطتي ومددت  اهيس روحي مجسره مدري شمالني  مالك كاعد بالديوان يم ابو  هم جانو بعزه الزلم لليل ياله ردو   وره عرسنة صار يشتقل بالكاع على ما يتعين
شوي ودش مالك للحجرة   كال

:السلام عليكم 
هل شي شفته بمالك من يدش للحجرة يسلم  يكول حتى يو فارقه كعدت على حيلي

:وعليكم السلام ورحمة الله وبركاته

:هههه خوش متعلمه تردين السلام كامل مو مكطع

:جا قير انت تكول لزوم السلام كله ينكال

:شلونها ام صاحب

جريت حصرة

:شلونها يمالك مالها لون المكرودة فرحت بواحد ونفجعت بالاخر 

:الله يساعدها ما تنلام   الضنة غالي

:انوب عدها بس هل ثنين

:حتى لوعدها عشرة حبيبه الضنه غالي اذا عدها ثنين لو واحد لو عشرة بالنهاية الوجع واحد

ينزع هدومه  كمت اطلعه قيرهن واحاجي

:كفو الفاتحة؟

:يي كفوها  وكضو

حجيت وانه اكعد عالجرباية
لهساع مامصكدة  بعده جاهل زقير اضن توه خمسطعش شلون هيج يموت

:يا حبيبه جا شنهي الموت بس للشياب المنيه ماتعرف عمر  تعرفين شي حبيبه
ملك الموت جم مره يباوع للانسان باليوم