لم أكن بغيّا

البارت عشرين

مساء العافية على اجمل

صرت مثل التلولي اعليه موش امة
يتيم وعد شريجة شما بجة تغمة

مشاهده ممتعه للجميع تفاعلكم للبارت وشكرا من كل كلبي لكل الي متواصلات بالتفاعل من بدت القصة لليوم

°°°°°°°°

شنهي خضير ماناوي تفرح بواحد من ولدك

:ولله اني مفكر بس بعد مالاكين البت

:موجوده انه يجبار يشرفني اهديك بتي شهله تصير مره الك ومالكَه احسن منك اطي بتي

خضير:كفوووو منك محفوظ كفووو ولله ما تكصر واحنه وين نلكه احسن من بتكم هديتك مقبوله محفوظ ونتشرف بيها

:على خير ان شاء الله البت بتكم ويمتى ماهويتو كبعو واخذو انه وين الكه لبتي احسن من جبار

خضير:والنعم منك ومن بتك هديتكم غاليه كلش ونجيها ونتعناها ونطلبها

الشيخ:ساكت بويه جبار شنهي جنك مارضيت بهديتي

جبار:لا محفوظ صكد جذب هديتك اعلى راسي لجن

سكتت جبار وخضير خاف يرفض

الشيخ: لجن شنهي بويه كول لاتستحي مني احجي البكلبك

جبار:محفوظ انه مثل ماتشوف حالي زلمه رجلي مكطومه واخافن اضلم البت وياي

الشيخ:إفه يجبار افه تضلم البت لو خذتها ليش وشنهي الكاصرك جيف رجلج راحت بويه الزلمة ما ينعاب ورجلك الراحت تراهي فخر ورفعت رأس
والبت اضلمها لو خذاها غيرك انه شكثر ناس يجوني وردهم عبن هاي بتي بالذات معزتها بكلبي جبيره بس انه جيت وتعنيت خاطر اهديها الك وماضنك ترد هديتي

جبار:ماعاش اليرد هديتك محفوظ انت وبتك على راسي وتشرف بيكم

خضير:على بركه الله ان شاء الله هل يومين احنه عدكم

جبار بينه وبين روحة ماجان هاوي والسبب هوة رجلة جان متوقع البت مراح تقبل بي وأبوها جابرها ياهي الترضى بواحد معوق
عد ماراح الشيخ وطلع خضير وياه
كعد جبار بالحوش امدد على بساط اجت امه كعدت يمة

سعدية:ها يبعد امك معتاز شي اجيبلك شي جاي ماي

جبار:يمه طكت روحي من كعدت البيت اهيس روحي مخنوك

:جا يمه اعليش ما تتطلع اتمشى بالسلف تروح بالكهوه تشوف الوادم ليش حابس روحك

:يمه لو تمشيت اتعب بساع ما متعود اعلى العكاكيز ولو كعدت بالكهوه يضلون ينشدون بيه يارجلك ياطلابه رجلك ولله اشتاكيت اردن للحرب