لم أكن بغيّا

البارت السابع والعشرين

مساء العافية على اجمل عيون

دَفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
هلبت .. مات

#يمامة🖋

مشاهدة ممتعة للجميع تفاعلكم للبارت

°°°°°°°

حبيبة:حضرنه رواحنة خاطر نطلع مالك وعدنه  يطلعنة نشوف بقداد ويونسنه ويفرفرنة
لبست الولاد وكشختهم ولمعتهم  وانه توضيت عبن رايحين زيارة لموسى الكاظم سلام الله عليه ولبست وعدلت روحي

مالك:وين حابة نروح اول شي

:إنه شعرف ابقداد انت شوف وين تحب نروح

:خوش جانروح نزور موسى الكاظم عليه اول شي  السلام ونتعشة   شرايكم

:بكيفك

نزلنه وكفنة عالشارع مالك شايل بيده بلال وكاض باسط بيد وانه كاضه دجلة وركبنة السياره
وضلو مالك والسايق يسولفون وجابوها يحجون بالسياسه والحرب والسايق طلع اخو مستشهد بالحرب ويمجد بالريس   الله يحفضة النه والله يخلي  وهو ريسنه وهو قائدنه ومن هل حجي

ضليت صافنه واعاين الشوارع والوادم التمشي
لين ما وصلنه للامام واطلعت جدامنة الكبه  الذهب  اول مره بعمري ازورن موسى الكاظم
وصلنه للامام دخلنه كعدنه بالصحن البرة

مالك:راح ادخل باسط وياي ازورة ورد اخذ بلال ازوره وانتي بعدين دخلي وخذي دجله احسن

راح مالك وانه ضليت كاعده متانيته وتفرج  شكثر حلو البكان يفك الكلب
مالك زور الولد وكعد

ورديت انه دشيت  ازورن اول ما طبيت وشفت الضريح دموعي صارت تتسابك

مثل ما علمني مالك استئذن من الامام وسلم علي كبل ما ادشن

مرة كاعده اتوزع بيارق خذت منها واحد ورحت للضريح
شلت دجله بيدي من حصرت النسوان
وكضيت الضريح زورت العلك وزرت

دخيلك يا مولاي عمت عيني اعليك احفظ مالك واولادي وابعد عنهم كل سؤء واطي الصحه والعافيه لامي وابوي واحرس اخوتي وعيالي بجهاك يامولاي وكضي هل حرب ورد شبابنة سالمين لهلهم

كضيت زيارة وكبل لاطلع لكيت كوم مال ترب ترخصت من الامام وخذت تربه مكسوره وطلعت

مالك.. زيارة مقبولة
حبيبة .. قبل الله اعمالك شكثر حلوة الزيارة تفك الكلب ودعيت لك يحفظك الي ويكضي هل حرب ويحفضهم