لم أكن بغيّا

البارت الرابع والثلاثون

مساء العافية على اجمل عيون

ويـاهم مثل ما انا ظليـت
بدون ألوان وجهـي الخام بعـده
لهسة إمحسب بصدري الگصب بيت
وبلا بيبان گلبي يبات وحـده
انا بين هاي الناس مريت
مثل قارب ورق والموج ضده
إذا ظلت علىٰ الشمات ياريت
لكـن لوعتـي من الآنا أوده
چم صاحب وكت طعناته فزيت
وقنعت بقصة الما چان قصده

#يمامة🖊📖

مشاهدة ممتعة للجميع تفاعلكم للبارت

♡♡♡♡♡♡

سنة ٨٨  اي سنة ٨٨ ركضت بينة السنين ولاكدرنه نلحكها  مر اعلى فراك دجلة  وزواج مالك اربع سنين واشهر
تعايشت وية الوضع وتحملت وصبرت  كابرت اعلى روحي ورضيت مرة تشاركني بزلمتي  أو الأصح موش اني الرضيت لجن الكل رضى واني مالي غير الصبر
لميت اولادي حدر اجناحي وضليت كاعده ابيتي
ماردت اصيرن بيوم حمل اعلى احد 
لجن مايوم كلبي كدر يسامحة ترك بية صواب ما ينمحي ولايطيبه الزمن 
مارديت حبيبة اليعرفها عاقبتة ابرودي وسكوتي وصبري 
يم اهلي لوعت كلبة ياله رديت
لحد ما جاني هو وخذاني خليته يحس بقيمتي  وشلون ايتبهذل خلافي
بالأخر  رديت لبيتي 

صار  يوم يمي ويوم يمها  والعرفتة هو وياها كلش مو على صلح  يجي يمي ياكل لكمة زينه واكويلة هديماتة 
رنا جابت ولد سمو ايمن   وتوها حامل  بالثاني
باسط عمره سبع  سنين  بالثاني ابتدائي  شاطر ويأخذ كله عشرات ويطلع الاول
بلال بالاول  الحمدلله شطار ويحبون المدرسة
وابوهم يدرسهم وانه ادرسهم بالاكدر اعلي

بهل اربع سنين شفت صرنه عايلة جبيرة ومالك شايل مسؤؤلية بيتين  صرت احف للنسوان اسويلهن شيرة
اول نوبه مالك مارضى بس اني قنعتة
وصارت النسوان تجيني احلفهن والتريد شيرة تجي اطلعها من حدر ايدي تبرك

وباليلة العيد خير من الله صرت اعين وشيل وياه شوية وخفف عنة عبن صرت ماحبن اكله انطيني وجيبلي ابد اني من تعبي ...

واكفة بالمطبخ اسوي قدة وصوت سيف ويوسف  يصيحون..  اجة ابوهم ويركضولة  طلعت اللهم مجلبين ثنينهم ابركبتة

مالك: يابوية يابعد ابوكم تعالو اشمكم يروح تعبي افيشش ياروح ابوكم

حبيبة:الله يساعدك

مالك:ويساعدج عيوني هذول شلون تفركين ابينهم ههه

:هههه جا قير امهم لزوم افرك تراه سيف شوي اطول من يسوف

: هاج ذني

رحت خذت من ايدة العلاليك

:عاشت ايدك

:ايدج العايشة عيوني انتي  شمسويه غدة ترة طالع بدون ريوك  وعلى لحم بطني

:هساع اصبن بس خل يجون اولادك