مساء العافية على اجمل عيون
تكَـول آرحل .
نعـم أرحـل ،
بس ردني بكَلب فارغ ،
مثلما جان بالأول ،
بس ردني بجفن بطران ،
موش آبدمعته آمكحّل ،
مشاهده ممتعه للجميع تصويت لبارت تعليقاتكم الحلوة بين الفقرات
بالنسبه للاصنام الي يقرون في صمت شلونكم
°°°°°°°°°
بيت خضير الساعه 9:15 مساء
بذيج الليله الي كانت من أسوء الليالي الي تمر على هل بيت
حدهن ابيتها اتنوح على بتها الي محبوسة بالحجرة من الضهر من بعد ما ابوها شوه جسمها بالحزام ورجعو اخوانها اتفننو بانواع الضرب والسب والشتم لدرجه صارت تنزرف من كل مكان بوجها وجسمها
من الضهر محبوسة وقطرة ماي ما داخلة بحلكها وصوت ونها اختفه وبعد ما طلعلها صوت
حدهن ضاله مثل طير مذبوح ومحد ايخليها اتطب عليها
كلهم ملتمين كاعدين وكل واحد بيهم شايل هم شكبرة للمصيبة الطاحت اعليهم رغم كلهم يعرفون صاحب مالج اعليها بس هل حجي مايمشي عد ناس عربان بت وبعدها ابنص بيتهم شلون و وين خذاها وكدر يكربها هل شي جان مصيبة وفضيحة واذا همه رحموها الناس ماراح ترحمهم وماعدهم حل غير يموتوها ويجلون من السلف مايكدرون يضلون وعيون الوادم تاكلهم
لحد الان محد عرف من الناس بس ماكو شي ينضم اول وتالي كلشي يبين وينعرف
خضير:كلولي بويه شلون بيه شسوي وشنهي الاتصرفة
جبار: حاير شنهي التسوي بهل مصيبه؟
الحطتنه بيها ؟ شرايك انمسح اعليها ماااكو غير الموت الزوم نطم عارها
اتنفضت حدهن صارخة
:الله واااااكبررر اعليكم يا ضلام هيج دم اخيتكم عدكم هين اوووويليييي ررببيييي
خضير:اسكتتتتتي بالطلاك لا سمعت حسج الحكج ابتج الصميييي انتي السبب كلها منج هاده بتج ماتدرين بيها وين تولي لين ما اطت روحها
حدهن:ليشش ليشش موش انه حدهن يخضير الجنت تكول مامش ام تربي مثلج موش انة الجنت اعلم ابناتي اعلى الاصول هساااع اطلعت انه السبب
خضير: اييي انتي السبب لو مشوفتها خوف ماسوت سوايتها اسوايتها موش اسوايت بت بيت اميدبه نكست روسنه بالطين وانتي حسج يلعلع وانتي ام الراهي موش بتج اطت روحها لصاحب خلها تلحكه
حدهن:خااايبين كافي مووووت بسكم ما شبعتو من طاري الموووووت كااافي
طاحت حدهن من طولها وركضلها ازهار وسعديه الي من خوفهن حسهن ما طلع يكعدن بيها
جباراخذ مسحاته وطلع بالجول يحفر بنكره بحركه كلب يحفر ويحجي
أنت تقرأ
لم أكن بغيّا
Rastgeleأسير في حلقة مفرغة , في قبر الأخطاء القديمة، العميق والمؤلم. بدأت من نقطة مظلمة هي الرحم، وأسير نحو نقطة مظلمة أخرى هي القبر، إحدى القوتين تقذفني من هاوية مظلمة والأخرى تسحقني بلا إنقطاع في هاوية مظلمة اروي لكم قصة ... من ارض ميسان العمارة.. رواي...
