لم أكن بغيّا

البارت الثالث والاربعين

مساء العافية على اجمل عيون

حلو ملكاك
بي ريحة درب بستان
توها الدنيا مطرت بي

#يمامة 🖊📖

مشاهدة ممتعة للجميع تفاعلكم للبارت تصويتكم وتعليقاتكم تخلي القصة تصعد اكثر

◇◇◇◇◇◇

طول الحفلة اشوفه يحجي ويه سلطانه صار مادري شيهمس الها وهيه تسمعه بكل ادب وتهز رأسها بموافقة
خلصت الحفلة ورجعنة   وسلطانة اتحوس تريد بس اضم الفلوس عدها  وماتكدر تجبرني وتاخذهن
لفيتهن وخليتهن على كلبي  ماعدها مانع تودي وحده تبوكهن 

وهذا المبلغ الزين دبر راح يمشي امورنة فترة وأخلي سلطانة ترجعهن الة من فلوس تعبنة الضامتهن وتلغف بيهن
بس هم خايفة لان هذا مبين موسهل خايفة منة اكثر من سلطانة ..
زين هيج اكدر اخلص منهم بسهولة

قررت اشرد ويه محمد وسارة
اي اشرد ونكعد بيت بعيد عنهم وين يلكوني  هوى قابل شيسوي يعصب ويسكت قابل ميت عليه هوة رادني كم يوم للونسة
اخلي سلطانه تبتلش وياه وترجعلة فلوسة
عاد كون يوفي وعدة ويكسرها 
ك

نت أضن كلشي سهل رغم خوفي بس بقيت اقنع بنفسي وأملها انو مراح يكدر أحد يوصلني

باليوم الثاني كمت واني حاسمة قراري الاخير بعد تفكير طويل

آيسل:احسب حسابي اطلع وياكم

محمد:أخيرا اخذتي هل قرار

:اايي جنت رافضة بس بعد الي صار وشلون سلطانه الجلبة تريد.تبيعني لا ماظل ولازم قبل نهاية الأسبوع نطلع

:تره كلش طولنة البيت صار سبوع أجرته وضل فارغ

:دبرت مبلغ مرتب يمشينة فترة

:منين اخذتي من سلطانة

:لا اخذتة من واحد سلطانة رادت تطيني الة عاد اني سويت روحي موافقة وهوة كاتل روحه كتل. كتله اريد عقد يصير بينة هيج ورق هو  ماصدك انطاني هل مبلغ كال جهزي نفسج بي  واشتري كل التردي راح اخذه ونروح وخلي سلطانة تبتلش وياه بعد

:كفووو عليج

:مثل ماكتلك انت رتبو اموركم لنهاية الاسبوع نطلع بس ماروح قبل ماشوفها مكسرة

:تمام

رجعت منه لاكتني عجوز الشر  مكيجة على اخر حبة وحاطه ضلال ازرك يلمع   وتارسه الحلك حمرة عود كاشخة طالعة جنها صخلة مكيجة

آيسل:ها وين اشوفج كاشخة وصايرة كيكة

:صدك ولج شلون شكلي