لم أكن بغيّا

البارت التاسع والأربعين

مساء العافية على اجمل عيون

ويبات الحزن يمي احطة بحضني ويكلي بعد دنيني يم كلبك

#يمامة

مشاهدة ممتعه للجميع تفاعلكم عالبارت حبايبي اريد اشوف الف نجمة تسووها لولا

،

،،،،،،،،

مرحبا بقدومك الذي تدافعت دقات القلب في انتظاره

شنو احساس الفاقد حبيبة وشافة بعد سنين
ثاني مرة أمر بهل احساس من بعد ما لكيت دجلة
لكن هل مرة مختلفة هل مرة عامود بيتي رجع زلمتي خيميتي مايفصلني عنه غير خطوات معدودة صرخت وروحي فرفحت

،ممااااالك

ركضت اله مثل الطفلة من تركض لحضن ابوها ذبيت روحي بحضنة
واريد اذب كل حمل ذيج السنين بحضنة واخذ همة من كلبة اخذ تعبة وانطي تعبي اريد هيج كون انخلط بي واصيرن وياه جسمين بروح وحده  بس طاحت عيني وطحت بحضنه ذبيت قناع القوة الجنت لابسته كل ذيج السنين وطلعت ضعي وتعبي وهمي
سمعت حسه المتعوب والمخنوك وهو ينده باسمي

،حبيبة حبيبة .... ياعيون حبيبه ياعمرها الراحل من بين أيدها

لميت الباقي من يمة بحضني ضال كومة عضام  وحجيت بقهر ودموع غركت وجهي

،اخخخخخ وينكككك يمالك كل هل سنين
ولكممممم تعالوو. ابووووكم اجة

احضن بي كل حيلي وأبوس ابوجهة

،يبعد روحي يبعد عيوني مالك مالك وينك مني وينك ولكممم اهيس كلبي طك اعليك

بس اني جنت احجي هو ساكت وبس صوت بجيتة اسمعة
احضن بي كل حيلي واحنة كاعدين بالكاع
اوخر منة اعاين بوجها ورجع احضنة

،اشتاقيتلج حبيبة اشتاقيتلج اشتاقيج للجهال

رديت وانه دمعتي وضحكتي سوة

،يا جهال جهالك صارو زلم بالكلية يمالك
كلها مشت أيامها الا انة ايامي وكفت بلياك

بين دموع الفرح والعتب مر وكت طويل واحنة محد وخر من حضن الثاني
جنت بس انة وحوراء الغايبة من المدرسة اليوم بالبيت كلهم جانو بالدوام
شلت راسي شفت حوراء واكفة بعيد وتبجي

حبيبة،حوراء تعاي يمة هذا ابووووج شوفي حبيبتي هذا ابوج الماشفتي

مالك،،حوراء شنو بدلتو اسمها تعاي بابا تعاي بحضني

حبيبة،لا يمالك هاي حوراء وصال بمدرستها
هاي حوراء إبرة سجنك طلعت حامل وصارت حوراء

فتح عيونه متفاجئ ورد عاين لحوراء
ومد أيدة الترعش الها

،تعاي حبيبتي تعاي خل اشوفج