لم أكن بغيّا

البارت الثاني والاربعين

مساء العافية على اجمل عيون

الليل جاباني الك لو انت جيت
وفززتلي سنين جانت غافية
وفزغن مفرعات ويدورن عليك
بلا شعور اجدام تركض حافية

#يمامة🖊📖

مشاهدة ممتعة للجميع تفاعلكم للبارت

♡♡♡♡♡

اهيس رجلية ما حملني هيه يمكن ثانية بس صارت عيني بعينها حميدة اجت كبال عيني اهيس جاي اشوفن حميدة كبالي بطولها شعرها وعيونها بكلشي
صاحت ابجهي بعصبية وطلعت

:ماتنتبهين لطرريقج شبيججج

حجت وراحت ضليت صافنه لا اخذ ولا انطي مني هاااي
طلعت من المحل ركضت ابراها بس هيه جنها زيبك مدري بيا دربونة طبت وضاعت

واكفه بنص الشارع ما تحركت ياربي حميدة هاي حميدة واكفه اكبالي جانت شهل شبه هذا سبحان الله

فزيت وأنه اسمع ولد صاح بية

:خالة وخري من الطريق اريد افوت العربانة

وخرت من دربة

رديت للدكان وانة مضيعة علومي ياربي اهيس روحي رديت لذيج الايام من اخيتي توكف كبالي اهيس جروح كلبي فزن وجن توني مضيعة حميدة

باسط:شبيج يوم ليش ركضتي ورة الابنية

:باسط يمة مني هاي البت تعرفها

:ماعرفها هاي ثاني مرة اشوفها بس هيه الي كتلج عليها البارحه الي اخذت الطوك وشردت

:هاي الكلت عليها يتيمة

:اي هيه

اهيس جان صار عندي امل من سمعت يتيمة

:شنهي اسمها

:ماعرفه ولله ليش تسالين عليها

:سبحان الخالق معقول اكو شبه هيج معقول هاي دجلة ياربي هيج يصير صدفه وتطلع هاي دجلة وهيه كايلة يتيمة مالها احد

:يوم شبيج شو مو على بعضج

:باسط اسمع اذا اجتك للدكان انوب انشدها على اسمها خوش يمه

:ليش مهتمة الها هيج

:ولك هاي نسخة نسخة من خالتك حميدة الله يرحمها

:معقول لهدرجة تشبها

:هية مو كالت الك يتيمة يمكن تكون هيه دجلة