مساء العافية على اجمل عيون
مو ندمه الغزالة اتطيح .. صيده
ابشبجة الصايود
لاجن يالعزيز الحيف .. عالصايد
يكَع مصيود
وكَبالك وافك الروح .. من .. حبل
الوفه المعكَود
تصويت للبارت تعليقاتكم على الفقرات مشاهده ممتعه
°°°°°°°°°°°°
شهله: بمشية مالك ابوي ماخلة أحد ماعزمة من شيوخ ،وذبح مدري چم رأس غنم ، فرحان بي وگبل يومين احنه نحضر .. والشيخة وداها ابوي بنفسها راحت للسوك وشرت الذهب لحبيبة ذاك الذهب الثكيل والزين .. يوم المشية كعدنة من الفجر
زلام ذبحو وصلخو وكلها لاهية رحت للمطبخ لكيت رحيمة ونسوان وياها يگطعن اللحم مخبوصات طبيت الهن
:صباح الخير
كلهن ردن اصباح العافية
رحيمه:شهلة يمه الجاي حار بس صبي وحطيلج گيمرة اكليها
حاجيت رحيمة المدنجة على طشت اللحلم وبيدها سچّينة تكطع وفطيم لازملتها
:جا شنهي من شوكت كاعدين بعدة الضوة توة طالع
ردت علي
جا ما تعرفين الشيخه بيوم الاكو عزيمة تريدنة ويه الفجر وكون بس يوذن المؤذن الغده ينصب
رحت صبيت چاي وخذلتي خبزة أغمس روبة واكل وانه واكفة طبت الشيخة تشوف شصار ماصار
:هااااا كضيتن تكطع اللحم اريدنة وذر كبار وغسلنة كلشش زين لايضل بي دم
رحيمه:حاضر شيخة هساع اكضة وغسلنة زين
باوعت الي الشيخة ، ردّت باوعت من باب المطبخ تشوف اكو احد برة
ردت مدت راسها للمطبخ وحاجتني بغل
:وانتي يل عروس توج تتريگن تزوهري بساعج وگضي شغل وياهن
حجيت بقوة ماريدها تكّدر خاطري وانة فرحانة لأخوي
شهله:ولله اگضي ريوگي اروح اعدل روحي حالي حال اخواتي واتلگة عماتي من يجن
رفعت حاجبها الي بعيون يطگن شرار
:يااااا هاي منهي تحجي طالعلج لسان يل سگط ام رجل العويه ولايكتلج رويحتج ولله
رحيمه والنسوان يعاينين ساكات
رديتها
:جا شنهي وحّد انه ، بت الشيخ وما ناكصني شي مو ذن بناتج من البارحة اجن وهنة كاعدات يعدلن برواحهن
ضحكت ضحكه مسمومة
:وانتي شني؟ من كونج حاسبة روحچ مثلهن وتساوين راسچ براسهن يل سكط يل بايرة
اشرت علي بصبعها من فوك ليجوة
خايبه انتي ، انتي حالچ حال بناتي انتي بت خدامة وهنه بنات شيخة شجاب الثرة للثرية
أنت تقرأ
لم أكن بغيّا
De Todoأسير في حلقة مفرغة , في قبر الأخطاء القديمة، العميق والمؤلم. بدأت من نقطة مظلمة هي الرحم، وأسير نحو نقطة مظلمة أخرى هي القبر، إحدى القوتين تقذفني من هاوية مظلمة والأخرى تسحقني بلا إنقطاع في هاوية مظلمة اروي لكم قصة ... من ارض ميسان العمارة.. رواي...
