لم أكن بغيّا

البارت الرابع والعشرين

مساء العافية على اجمل

كاظم ...

ذكروّها .. واعادة اليذكر يحن ..
والروح .. لاهل الروح حنّت
صبّرتها .. اوكابرت عالظيم .. والكابر
.. يظل بسكوت .. ينهت
طاحت ، اوفوك الفشل .. بمصابها
الشامت .. تشمت
اخ ياروحي .. الكّبل جانت عزيزة
شلون ذلت .. ؟.
ملت امن اونينها .. او عذّالها
امن اللوم ملّت
واصبحت .. مثل الرشة المتروك
من يشله .. جليبة
اوحنت .. اوعاداة المحبين ..
لو حن المحب .. يطلب حبيبه يالتريدين
الولف .. ولف الجفاج .. امنين اجيبه
كافي غيبه .. كافي .. جلمات العتب
عالناس .. ياروحي الغريبة
يالمثل دلّه استوت بوجاغ ما يخمد لهيبه ..
هذا سهمج .. والسهم لوعات
والخانه الوكت يرضه بنصيبه

#يمامة:  
مشاهدة ممتعة للجميع تفاعلكم للبارت

°°°°°°°°°°°

كاعد عالحشيش ابرة البيت واعاين من بعيد للحجرة الجانت بيها حميدة صافنه بيها دمعتي طاحت اهيس ريحتها بيها
ورة وفاة حميدة ضليت كل ما يضيعوني يلكوني كاعدة بهل حجرة وانوحن
هساع صارو افطيم ورجلها وخلفلتها عايشين ابيت الجانت بي رحيمه وخذو حجرة حميدة هم كعدو بيها

حزن كلبي ولا يوم هفت على اخيتي موش يكولون الميت ينسي بمرور الايام وحزنة يبرد بالكلب لجن هل حجي جذب
الميت الي ينسو اهلها معناتها هذا بحياتة ماجان عزيز عدهم

مرن سنتين مامر يوم اعليه لا ماكعدت وبجيت ولامر يوم ماقريتلها الفاتحة وذكرتها
صوابها ابد مابره
اعاين للفر/وخ التلعب جدامي وابني حاطتلة ابساط بصفي كاعد اعلي

حبيبة:باااسط يمة لاتركض حيل لا اتطيح يبعد امك واتعور

أصيحن بي ويرد يركض يلعبون هوة ودجلة شوي وصارو يتعاركون باسط جر دجلة من شعرها اجتني عويناتها مدمعه وتحجي بطفولة حجي مكسر لجن ينفهم

دجلة:يمة ثيحي اعلى باثط كلثاع وطكني

خذتها من أيدها حطيتها بحضني اعدل بشعرها

:ولك باااأسط تعال عدي لاماشلعت اذناك
ليش اتطك اخيتك موش تلعب وياك اخطي

شافني متحلفة بي ضل واكف بعيد ويقم بدجلة بثنين ادي

:ولك تعال يمي اكلك

باسط:لا تردين اتطكيني على مود هاي ام كفشة الصفرة

:يااع شوف السانه اشطولة تعال يمي ولك
مابيه اكومن

:ما اجي تردين اتطكيني

:ماطكك تعال اكلك

:ما

:شوف اكلك جدامك وحده من الاثنين تجي يمي وماطكك لو اكوملك انة وكضك بس لو كمتلك الكتله تصير قاطين احمسنك حمس وانت بكيفك تجي يو لا