لم أكن بغيّا

البارت الثالث عشر

              مساء العافية على اجمل عيون

ماردت احبك حاولت
من لفضة اسمك حاذرت!
كلمة وشلتها من الحجي ومن السان اخفيتها
وبيبان روحي مقفله وعن لا احب سديتها
صلفه امنياتي الرادتك
سالتني عنك بس صمت كلش ولا حاجيتها
كالتلي وينه وجاوبت
ما ادري ما دليتها

مشاهده ممتعه للجميع 

°°°°°°°°•••

سلف شايل  هموم  ابرة كل حايط من حيطان بيوته سالفة  
وبكل بيت كلب متلوع  ويتجوة بنار الفراك
ام كلبها ايتلوع بنار افراك وليدها وخوفها اعلي خذته الحرب من حضنها بلا رحمة  واتاني رحمه الله لو يرد ماشي اعلى طولة لو يرد امدد اعلى اجتاف ربعه

وام ثانيه  الجانت تخافه صار وردلها وليدها امدد اعلى الجتاف ودفنته ودفنت كل أيامه وشبابة وضلت بس ذكرياتة وسوالفة عايشة وياها

و مراة تتلوع اعلى فراك زلمتها  وراعي بيتها

 وأحديثه ترملت  وطيور احلامها نكلبن غربان سود يحومن فوكها

افرو*خ يتنطرون طبت ابوهم عليهم 
وحبيبه اتناطر ردت وليفها
وبت انكسرت بالحظة  ضعف وعيونها تربه اعلى  الدرب متامله يرد ويلم التطشر 

وجن هل سلف صاير مثل محطة الانتضار كل بنادم بيها منتضر شي

وبيت شيوخ مايطبه مظلوم وصاحب حك اله ما طلع منه حكة رادله
هل البيت الما يخلي مظلوم ما ينصفه  تسكنه بت مظلومه  يتيمه مكسورة  تتوجه لحجرة ابوها واهيه كلبها يرعد خوف من الشافتة الشيخه وخايفه اتكض اعليها هل  كضة

دكيت الباب ودشيت لحجرت ابوي المدد على جربايتة  ومخلي رجل على رجل ويفر بسبحته

شهلة:بوية الشيخة كالت رايدني امر
كعد ولم رجلي تربع

الشيخ:اي يبوج تعاي جربي وكعدي حذاي

تمشيت وكعدت جدامة

الشيخ:صاير ما تنشدين اعلى ابوج

شهله:لابويه جا شعدي غيرك انه  بس اشوفنك لاهي وحتى للبيت ماتدش غير ابكت نومتك وانه هم ضاله بحجرتي كاعده عبن نوبات رجلي تاذيني

صارت عيونه اعلى رجلي  وحجى بقهر

الشيخ: بعدها  لهساع تاذيج بوية

شهله:نوبات  مو دوم  لاضليت واكفه اعليها هواي لاتمشيت اعليها هواي    تاذيني   وبالشتاء هم بس يكضها للبرد تضل اليل كله تاذيني

خله أيدها عليها وجن يتمنى بهاي الكضة راح يطيبها ويسكن وجعها ...

:يابعد ابوج انه هواي مكصر منج ولله عذريني بويه

:لابويه محشوم من الكصور  حسك بالدنيا  وانت شبيدك اعلي  شو شريتلي ادوى واشربنه  وشريتلي دهن ودهنها لمن تاذيني