لم أكن بغيّا

البارت السابع والاربعين

مساء العافية على اجمل عيون

لا تحط كَلبك على الصوبين كل وصله
.. بكتر وتكَول : اريدك ..

#يمامة

مشاهده ممتعة للجميع تفاعلكم عالبارت

°°′°°°°°°°°°

لحظات محد يكدر يحس بيهن غير الي عاشهن  شنو احساس حبيبة بعد ما تاخذ دجلة بحضنها بعد فراق دام أكثر من خمسة عشر عام  الطفلة الي ضاعت من حبيبة هسه هيه بنية شابة  بقمة الأنوثة والجمال كبرت وربت بدون ما تشوفها حبيبه ولا تشبع منها ..

شنو احساس دجلة بعد ماتعرف انو  عدها أهل وعشيرة  اجداد وخوال وخلات عشيرة ترفع الراس وهيه عاشت كل هل سنوات عند الكاولية  يتيمة وسلطانة تاخذ وتودي بيها ..

باسط،يمة هاي دجلة بت حميدة كدامج الطفلة الي ضاعت منج هاي هيه كدامج

صمت على رجفة على صدمة على اشتياق على لهفة كل هل احاسيس تجمعن بداخل حبيبة الي وكفت مثل الصنم صافنة فاتحه عيونها وكلبها صار ينسمع صوت دكاتة المتسارعة تحس كل الكلام ضاع منها

باسط،يووم هاي دجلة الي راحت منج
دجلة بحالة توتر وصدمة من الشي الي ماكان عالبال

دجلة،شنووو جاي يصير هنا فهموني منين طلعولي أهل وين جانوو

طاحت دمعت حبيبة مثل الجمر على خدها حست انو راح تفقد توازنها لزمت باسط تنسند علي
حجت برجفة

حبيبة،حسها  حسها خشن مثل حس أمها

تقدمت حبيبة الي كوة تمشي على رجليها تتجه لدجلة  وكفت اكبالها  عيونهن بعيون بعض
شالت حبيبة اديها الي ترجف  مشت جف أيدها على وجه دجلة عيونها حاجبها كل مكان بوجها تلمستة

حبيبة،دجلة دجلة دجلة هاي انتي

نشغت نشغة من نص كلبها وعيونها انتسرن دموع ونجفن على خدها

،دجلة منووو اني ايسل ايسل  انتو اكيد متوهمين.  محمددددد شجاي يصير فهمنيييي

باسط،اني افهمج  احنة اهلج هاي خالتج الي انتي أمانت اختها عدها وضيعوج من أيدها  دجلة ولله احنه اهلج وهسه يله لكيناج

،باسط شجاي تحجيي انت كل هاي الشهور ستوك يلة عرفت انتو أهلي منين اجيتو أهلي اني وعيت للدنيا بدون أهل

حبيبة،ليشش طلعتي من الحجرة ولجج ليش كتلج ضلي كاعدة يمي  لاتتحركين اعرفنج وكحة وماتركدين ليش ما سمعتي مني ليش قافلتيني وطلعتي ليشش ولج نفسه وماكدر اركض ابراج  ليش خليتيهم ياخذونج من حضني وانتي أمانت اخيتي ..

تحجي وتهز بدجلة من أيدها  نزلت دجلة أدين حبيبة منها

،انتي شتكولين ماجاي افهمج