لم أكن بغيّا

البارت الواحد والخمسين

مساء العافية على اجمل عيون

بانتظارك خلصت عمري إنتظار
عاشرت ليل المحطة
وارتجي ايجيبك قطار

والقطار
لو يحب مثلي وتشب بضلوعه نار
يسرع ابمشيه ويجيبك
بالفجر قبل النهار
ولو تعبني إنتظارك
شارك العمر ابسنينه
اهواي كالو مايجيك
وكًلبي جاوبهم يجينه
يجينه

#يمامة

مشاهده ممتعة للجميع تفاعلكم عالبارت

°°°°°°°°°°°°°°°°°

2010.

دجلة،طالعة تخبلين ما شاء الله عليج

بأبتسامة مجاملة خديجة،شكرا يوم الج

،ههه لا خلص اني اخذت نصيبي بعد هذا هو

گاعدة عالكرسي ببدلة عرسها ..لكن أبد ما بوجها أي فرحة عروس هواي مجروحة
هواي رفضت ناس. لحد ما كبرت بالعمر هواي انتظرت منة أمل يحيها

عاشت بأمل أنو ممكن يحبها لكن ماصار الي تمنا گلبها .. باسط ماشافها بيوم غير اختة
كل هل سنين الي مرت ... خطبني بيهم ثلاث مرات وبكل مرة جوابي چان الرفض..
رغم حبة الي ساكن بية ماگدرت أنسى كلامة..  ولا اشوف نفسي متقبلة زواج منة ولا من غيره

خديجة،أنسانة ماكانت بيوم بنية سيئة ولا حاقدة لكن الحب الي سكن بگلبها زرع بداخلها إحساس الغيرة لدجلة
جانت تشوف دجلة منافس الها بحبها ..
نضرات باسط لدجلة وحبه الها رغم رفظها آلة خلاها تغار وتكره دجلة ..
گاعدة بالبدلة وهيه بگلبها غصة كاتمتها بصعوبة . وهيه تتذكر اخر حديث دار بينها وبين باسط  لمن اجة اخر مرة حتى يتقدم لدجلة ورفضت
جان كاعد وحدة تقدمت يمة
بخجل وتفرك بأديها ..باسط

دار وجها شاف خديجة

،أهلاً خديجة

،لشوكت تبقى واگف على بابها تتسول منها الرضا والحب موكافي كل هل رفض كل سنين ما تعبتك وخلتك تمل

،الي يحب مايمل

،شمعنى هيه

،الحب مابيها شمعنى  الگلب من يهوى ما يعرف عقل لو منطق  بهذا عمري  ووظيفتي اكدر من الصبح اجيب مرة  بس گلبي مايريد غيرها ولا اتخيل تصيرلي مرة غيرها

ماگدرت تضم عبرتها أكثر نزلت دمعتها مسحتها بسرعة حجت بقهر

،دجلة تحب زوجها  المرحوم وما تريد غيرة شوف داير مدايرك أكيد اكو من يحبك ويتمنى منك النضرة

شال رأسه باوعلها وهو يعرف قصدها

باسط، ماريد اي احد غيرها اذا مو هيه فإني ابقى كل عمري بدون زواج

حجت بدون مقدمات
،أحبك

تفاجئ بكلمتها رغم هو يعرف ومنتبه