لم أكن بغيّا

البارت السابع عشر

مساء العافية على اجمل عيون

هــويت ومــــاعرفت اعليّه شيصـــير‬
ولا فد يوم أشوفن حالي وأَصْحَى

‫وعگب عش الحمامة والعصافير‬
لفاني غراب لف جنحي اعله جنحه‬
أنا البضلوعي دگيت البسامير
لخنچر ماحسبت حساب ذبحه

  تصويت للبارت تعليقاتكم الحلوة بين الفقرات مشاهدة ممتعة للجميع '''

°°°°°°°°°°

مالك:بويه لاتكولها تراه ساجد يتسودن

الشيخ:لاموش ساجد

مالك:ياهو لاتكلي انت تتزوجها

بضحكه وخفه الشيخ ضرب مالك بالسبحة

:ولك شنهي شايفني راد ردود اخذ وحده بكد بتي خاطر امك تنام على زردومها وتخنكها

مالك:ههه جا حيرتني يابة

الشيخ:انه ما مقرر احد بس هيج اكلك البت حديثه ومايصير تضل بيت بي زلم بدون مايربطها شي 

مالك:بشني تفكر

الشيخ:الافكر بي هساع اول شي خل البت تصير زينه وتطيب من جروحها وثاني شي لاتنسى دام صاحب ماخذها معناها البت اعليها عدّة ولزوم تلزمها

مالك :ولله راح هل شي من بالي فعلا لازم تلزم عدة

الشيخ:خو ما البت تضل محبوسه بالحجرة وانت وين تطي وجهك شنهي تنام بالديوان

مالك: عود انامن بحجرة ساجد سهله

الشيخ:ولو كان بويه البت صارت أمانة بركبتي وماريدنها تضل متبهذله اردين اخليها بكان خاص بيها تاخذ راحتها ليما نشوف بلجن ربك ويحنن كلب اهلها اعليها شوف منا لين ما تطيب انه من باجر أوصي الزلم يشوفون واحد يبنيلها حجرة وسيعه بصف بيت رحميه وخليها مفتوحة اعلى حوش رحميه
اسويلها حمام ومرافق هم ابحدها ونحلطلها كل حوايجها وغريضات ونخليها تكعد بيها

مالك: بس بويه بت وحدها تضل

الشيخ:موش وحدها بويه جاي اكلك كلش بصف رحيمه وجدام عينها واحنه هم مانهدها وخيتها هم تضل تروحلها جا شرايك بت تضل بحجرتك كاعده هم ما ترهم وانه اكلك بويه تراها امك ماراح تهدها بحالها

مالك :التشوفه بويه انت اعرف انه اليوم ماراح اروحن لدوام بعد

°°°

حبيبة صار الضحى يلة حميدة فكت عيونها انة هاده كلشي ومجابلتها وكاعدة ساعت الفكت عيونها مرمة ماتعرف منين من الطك من البجي من النوم
عد ماشفتها كعدت رحت يمها كعدت وانه امسح اعلى راسها

حبيبه:ها خيه نوم العافية

حميدة:الله يعافيج انة شلون هيج نمت مادري بروحي