لم أكن بغيّا

البارت الثاني والثلاثون

مساء العافية على اجمل عيون

حبيبة

تالي ادركت طين الكَلوب اصناف
والعِشرة الطويلة تريد نوعية
على كلًّ عِشت ماخذت بس طيت
وي ليل المجازة الماشفت ضيّه
وينه وينه اللكا بيه جاي يبيع
وين الانه مطني من هوه الريه
حتى جروحي من عدهم خذتهن شوكَـ
ابد ماحسستهم بيها من نيه
شايف من تجيك الطعنة من أحباب
هيج جروحك تحس بيها روحية
تصور تبتدي تشتاكَـ للچتال
اذا جف التطعنك بيها حنيه
المهم ... عاذرهم وكلّ البقن سهلات
انا الجرف اليسامح روچ شاطيّه
حتى مننجرح مادام همه بخير
أنا بخير يعني وكلشي مابيه

#يمامة📖🖊

مشاهدة ممتعة للجميع تفاعلكم للبارت

♡♡♡♡♡♡♡♡

اجاني صوت الباب يندك كمت فتحتها شفت بنية تطلع اضن بحلي بس كلش حلوة بيضة وطويلة وكاشخة وحاطه ذيج الزواكه التعجب والحجاب هيج شامرته شلون ماجان ونص شعرها طالع

:مساء الخير

:اهلا وسهلا

:انتي ام باسط صح

:اي عيني انه امري

:اني عندي موضوع وياج اذا ممكن

:موضوع شني ومنين تعرفيني انتي انه اول نوبه اشوفنج

:اني هم اول مره اشوفج بس اعرفج بالاسم شنو تخليني واكفه عالباب احجي

وخرت من دربها وفكيت الباب اكثر

:تفضلي عيوني حياج الله

دشت للبيت وهيه تطك بكعبها ودخلت للبيت وهيه بقندرتها

حبيبه:بس اذا ماعليج امر ذبي البرجلج

وكفت وعاينت الي ورجعت ذبته ودخلتها للدوانية
كعدت عالكرويته وهيه ساكتة وعينها تفتر عالبكان

حبيبة:آمري احبيبة بشني اكدر اخدمنج

رنا:ماشاء الله بيتج كلش حلو ونضيف رغم قديم بس هواي معتنية بي

:المره المرباية عالنضافة لو تعكد بخرابه
تسويها نضيفه والبيت مو كلش قديم

رنا:وانتي هم طلعتي الصراحه كلش حلوة اول مره اشوف سمرة هيج حلوة

:مشكوره وهذا من طيبج ماكتيلي بشني اكدر اخدمج يعني ما اضن جيتج خاطر تتقزلين بية

:ههههه لا لا اني جايه بموضوع ثاني تماماً

:احبن اعرف شنو هل موضوع البين ثنين وحده ماتعرف الاخ