مسائكم ورد
ملاحظة.. يتم التعديل على رواية لم أكن بغيا اضافة بعض الأحداث وتعديل بعض الأخطاء الاملاىية وسيتم إعادة نشر الرواية الرجاء من كل الي قروها سابقا ارجو منكم لا تحركو الأحداث على الي راح يقروها حالياً لو سمحتو ... احبكم
اعلان قصة جديدة
زاد توهج نور الفجرِ
فبدا شيء يلمع خجلا
من بين قصاصات الشعر
ومددت يديّ فأخبرني نور الفجرِ
أن حبيبة قلبي تركت خاتمها رمزا للهجرِ!
ففزعت إلى الشرفة أجري
كي أخفي تحت ستائرها نور الفجر
......
مشهد الاول ...
فتحت شباك غرفتي المطلة على أراضينا وبساتيننا لفحني الهوى النضيف جني صار سنين مخنوك وتوني تنفست افييييش ياريحة سلفنه الماكو مثله احس هنا كلشي ينبض بالحياة
الهور وماية الاشجاروالهوى يداعبهن ويحركهن بكل حب وهدوء
النخل شامخ واكف عى حيلة لو شما مر علي الزمن والظيم
الناس التمشي هذا الرايح لبيتة وهذا الطالع من بيته هذا اليحرث الكاع والنسوان الي يحوشن الجهال التتراكض والبلامة والمشاحيف التارسين الشط
احس توني تنفست وصدري تنرس هوى نضيف تركت الشباك مفتوح
ولبست دشداشة لفيت شماغي على ركبتي ونزلت
لاكتني اختي
:ها يبعد اختك معتاز شي
:لا خويه ما محتاج بس حبيت اتمشى شوي بالسلف
:اي بعد روحي اطلع نفه عن رويحتك صارلك كوم من غايب عنه
:اجيبلج شي من بره
:اريدك سالم يماي عيني
مسحت ايدي.على راسها وطلعت من البيت
ضليت اتمشى وين ما تاخذني رجليه اطب من كاع ودخل لبستان
هل كاع الي لو افر الدنيا ابقى احنلها
منها طلعنه والها مردنه هل كاع بيها سحر الي يطلع منها لو يروح لمريكا يبقى يحن ويون الها
بيها شي ما موجود بغير مكان ابد ريحته ترابها وريحت خبز تنور الطين تمرات نخلها وخيراتها وناسها الطيبه الصافيه
ابنادم لوشما كبر وعله يبقى مرده لاصلة ولكاعة
اتمشى وسلم على الناس فرحانين بيه وجني شي مميز داخل بنصهم والي اسلم علي واجي اطالسه يمسح ايده بثوبة يله يسلم علي ناس صافية ونضيفة
نسيت روحي وانه اتمشى من مكان لمكان
واني افكر بالي ماخذه عقلي وكلبي
:احبيبتي كون الله يهديها وتقبل تجي هنا يمي تعيش لازم احاول اقنعها
°°°°°°°°°°°°°°°°°°°
المشهد الثاني...
كاعده وراها امشط بشعرها الجنة خيوط ذهب واغنيلها أغنيتها التحبها
أنت تقرأ
لم أكن بغيّا
De Todoأسير في حلقة مفرغة , في قبر الأخطاء القديمة، العميق والمؤلم. بدأت من نقطة مظلمة هي الرحم، وأسير نحو نقطة مظلمة أخرى هي القبر، إحدى القوتين تقذفني من هاوية مظلمة والأخرى تسحقني بلا إنقطاع في هاوية مظلمة اروي لكم قصة ... من ارض ميسان العمارة.. رواي...
