لم أكن بغيّا

البارت الواحد والثلاثون

مساء العافية على اجمل عيون

أحــِس كًًُــَلبي الفـِضـِي..متعوب حد الويل
وأدعيـله الصَبُر.. عن لا يفشلني
جَسٌيت الليالي ابمرود الحلوات
وسنين العمر بالشيب جسنـٌــيٌ
اضحك للبجوا.. حد شرهة المنكـَود
وابجي ابكل مزنتي.. الطور المغني
لاغرني المدح... بشفاف المحبين
ولاهـمني الشماته اشما حجوا عني
يلتمٌن علــٌيه... امشتتات البال
وانفضهن نفض
وانهض ولا جني

يہمہآمہة 🖋📖

مشاهدة ممتعة للجميع تفاعلكم للبارت

♤♤♤♤♤♤♤♤♤

دخلنه سنة ٨٥ مالك رد يدرس طلاب ويرد يدرس يكول المسائي مدري معهد
لين مابيوم رد وهو مكدر كلش وحزين والوجه مقيم

حبيبة: مالك شمالك اشوفنك مكدر صاير شي

جر نفس

مالك :خابرت اهلي ساجد متصوب

:يايمه شنهي شصايرله وشلونه هساع

:لالا ابوي يكول اصابته بالجتف موخطر ووضعه زين

:ايي حمدلله

:بس امي من سامعه بي متصاوب طايحه متخطربه وماخذيها للمشتشفى ومشكل عدها سكر من الهبطة

:خطيه عمتي حكها تنهبط جا هينه عليها وليدها وهالشباب الراحت اوووف ربي وهساع شراح تسوي تروح لللعمارة

:ردت اروح بس ابوي يكول مايحتاج تجي طريق طويل وساجد وضعه زين موخطر

:ايي خوش نعمه اوووف الله ولحد مالك هم يجي يوم وتكضي هل حرب ونخلص وهل وادم ترد لهلها

:حتى لو كضت مدام صدام هوى الحاكم مانخلص من الحروب تكضي هاي يدخلنه بغير حرب وكأنو كل هل دماء السالت ماشبعته ولو صدام بيوم راح من الحكم هم نبقى بحروب ماتخلص العراق يا حبيبة اعدائه هواي من زمن الملك سرجون الاكدي وحرب الوركاء لحد هذا يومنه حروب حروب يعني حتى اذا هل حرب كضت اكيد هم وراها حرب

:لاتحجي هيج جدام احد استر علينة الله يحمينة

:ايي هوى احنه شنو طيح حظنه غير السكوت والخوف حبيبه مفروض احنه كلنه نكون ايد وحده ونوكف بوجه الظلم تره لاعبالج الناس تهتف باسم صدام محبة صدكيني كله خوف منه لان اي احد يوكف بوجه مصالحة فورا إعدام مشكلتنة شعب متفرق وكل واحد يغني وحده لو نتحد ضد الظلم مجان بقى ظلم ولاظالم خلي نموت مية واحد الف واحد ميخالف اهم شي منسكت واحد كم موتة يموت بالعمر هيه موتة وحدة أقلها نموت موته مشرفه ولأهل عيشه بالخوف ونفس منكدر نتنفس شنو من عيشه الي تخلي البشر حتى ماعنده حرية التعبير عن رأيه عيشة تخلينة نصفك ونتهف للظالم ونمجد بي