لم أكن بغيّا

البارت العاشر

مساء العافية على اجمل عيون

دنيا.. ذبحت جم حلم يتمرجح بواهس ضفيره..!!!!

:تصويت للبارت تعليقاتكم الحلوى بين الفقرات
مشاهدة ممتعه

°°°°

ثاني يوم عرسي الزلم ضلت تجي تتبارك مالك نام شوي ضهر وردو كالوله انزل اجت زلم وانه هم نسوان ماكفت بكان جديد علي وامي هدتني وراحت والشيخه مجلبه بيه ومكعدتني يمها طب ساجد مهرف
حاجة امه

:يمه زلام يمنه اعلى العشه يضلون زهبن العشه ذبحنه راسين غنم وهل هديتهم يصلخون بيهن شوفن شناكصجن بعد

:اوجب يمة

صاحت لرحيمه الشفته بهل يوم رحيمه الكل يحبها بالبيت والشيخه تاخذ شورها بشقل البيت

:رحيييييييمه خايبه رحييييمه تعاي هنا

اجت رحيمه تمشي بساع وتحس اديها من الماي بثوبها

:هااا هاا شيخه آمرييينيي

:رحيمه يمنه زلام اعلى العشه شوفن شناكصجن بساع وتعاي كلي لساجد وراح ايبون الللحم كطعنه

:شيخه كلشي ما ناكصنه العيين كضينا وشوي ونخبزه وهساع انروح نحش خضره من الكاع والتمن كونيه متروسه

:جا خوش يله ركضي من هسه شوفن وهل وراح يبوون اللحم ليجن

اعايين صارو هوسه من كال ساجد زلام على العشه
ونخبصم خبص صاحت الشيخه بناتها

:ساجدة زنيبه وشهله كومن بالمطبخ وياهن تره ماضل وكت راح يصير العصر يا لله

خلتهن راحن وهيه دشت حجرتها انه ماضليت كاعدة
عبن تجسرت انه متعلمة اشتقل واتحرك ماضلن كاعدة
خليت ورحت يمهن للمطبخ لكيتهن التكطع لحم التقسل تمن وفطيم وشهله يتعاونن اعلى العجين
حاجيتهن

:خلني اساعدجن بشي

حجت زينب

:لأخيه صكد جذب انتي عروس روحي كعدي

:اكلج زينب ترانه ما متعلمة اضلن كاعدة تجسرت خلني باي شي اعاونجن

ردت حجت

:جا خوش اذا تردين هاج هاي المصفاء والسجين لكطينه خضرة خل شهله تمش وياج

:شهله تعاي وياي خيه

لبست عباه وطلعنه انه وشهله الخضرة ابرة بيتهم كلش موبعيده كعدنه نحش

حبيبة: احنه خضرتنه زارعيها ابره بيتنه مثلكم

شهله:هاي وصيله الكاع جانت فارغه ورحيمه صارت تزرع بيها

:اييي ولله خوش  رحيمة صار شكثر تشتقل يمكم ؟

:اييي شكثر صار من فكيت عيوني لدنيا بس جانت بعدها حديثه موش هل كبرها عبن امها هم جانت اعلى هد جدي