لم أكن بغيّا

البارت الرابع والاربعين

مساء العافية على اجمل عيون

عيشتني بواهس الي استوى يمشي
جانت اول خطوة الي وياك انت

#يمامة 🖋📖

مشاهدة ممتعة للجميع تفاعلكم للبارت

♡♡♡♡♡

في ذاك الريف  الي بعدنه عنة من فترة وما  اتطرقنة  لاحداثة   باب بيت خضير يندك   تكوم حدهن الي كبرت  وغزت علامات الشيخوخة ملامحها  الجميلة
تتوجه للباب صايحة

حدهن:يااااهو بالباب 

جاوبت الي ورة الباب بصوت خافت تعبان  تعبان من الوضع الصعب الي تمر بي والي كان نتيجة عن ظلمهم لغيرهم  تعبان بسبب تأنيب الضمير الي أجة حيل متأخر اجة بعد ما ضاكو المر صحوة ضمير لكن هل صحوة شنو الي راح تغيرة بعد مرور هل سنين

:اني 

ماسمعت حدهن الصوت  كملت طريقها للباب فتحتة
ماكانت تعرف فتحة هل باب هيه بأعتبار  فتح لجروح قديمة  لكنها مازالت تنزف بكلوبهم   ضيكت عيونها الي تعبن وذبلن بسبب مر السنين وفقد العزاز  وحاولت تركز بالي كدامها

:شلونج ام ستار

:هلابيج انتي ياهي خية

:ماعرفتيني

:لازغرن بيج لجن الشوف موشوفي الاولي

:انة فطيم يم ستار

ركزت اكثر تراجع ذاكرتها

:فطيم مني هاااهااا فطيم موش كبل الجنتي تشتغلين انتي وزلمتج عد الشيخ

:اي انه

:يا هلا بيج خية شلونج

:عالله يحدهن حدر رحمتة 

:تفضلي دشي دشي شنهي تضلين موجبة بالباب

:جايتج بسالفة يحدهن جلمتين صار سنين نايمات بزردومي ومخلياتني ليلي اليمر مانامنة مرتاحة احجيهن ومش

:جا شنهي مانعرف نظيف يفطيم وتحجيهن بالباب دشي ونحج برااحتنة

دخلتها حدهن للبيت وكعدن عالبساط الفارشته حدهن بالحوش وجانت كاعدة وتغزل بالمغزل

حدهن:شهله خايبة شهلة تعاي هنا شوفي منهو التذكرنة اليوم

عد ما طلعت شهلة وشافت فطيم كبل تذكرتها وضاج خلكها  تقدمت عليهن وهيه تعاين على فطيم وية كل خطوة تذكر السوته بيها

شهلة:هلا شنهي اليوم شذكرج بينه بعد هل سنين

حدهن:شنهي شهلة هيج ايتلكون الخطار وانتي بت الاصول

:الأصول وية اليعرفها عمة موش ويه البز بالماعون الاكل منه وترس بطنة سنين

حجت هيج ودارت وجها وراحت