لم أكن بغيّا

البارت اربعين

مساء العافية على اجمل عيون

بعيوني اريدك تجي لو بس حلم عابر اطيني نسمة هوى وبراحتك سافر من دونك انة ترى متلعثم وحاير لو كلبي لو خاطري ما اعرف شكاسر

#يمامة🖊📖

مشاهدة ممتعة للجميع تفاعلكم للبارت  البارت ما ضهر عند البعض لهل سبب لغيتة ورجعت نزلته

*******

..شايلة ثوبي بهدومي من الصفحتين  وضافرة شعري شلون ماجان لأن تعبانه ومالي خلك حتى امشط وهو حتى لو مشطته باقي كفشة أشر بهدومي عالحبل ودندن صوتي كلش حلو لو غنيت بي خشونه موناعم
كلش احب حاتم العراقي واغانية دوم ادندن بيهن

صار فترة خمس سنوات ستقرينة بهل مكان ماغيرنا خلصنة من النكل من مكان لمكان
بي شغل هواي المكان جان بناية قديمة كلش متروكة نضفناة وكعدنة بي

اشر بالهدوم وأباوع واحد امدد عالكاع يعلس بعودة وصافن علية هزيت ايدي على منظرة

:هاا حامد أبو العرك شكو مضيع شي ضاربلك صفنة مثل ابو صابر

حجة وهوة يحط ايدة جوة راسه ويحجي بحب ومصدك روحة

:اااااااه اه مضيع روحي وكلبي وعيوني وعقلي

:روح دور عليها بعيد منا شوف بيا خيسة طايحات منك

:لا يا آيسل روحي وكلبي يمج انتي بكتيهم
وخطفتيهم مني

:شوف اني صدك حرامية بس ما اشتغل بالاعضاء وبعدين ابوك كلبك الجايف شسوي بي لو تنطي لجلب مايرضى ياكلة روح الله يطيك شايب وجاي يرد شبابه يمي

:ولج انتي اليشوفج يضل شايب لو عمره ميت سنة يردله شبابه كدام حسنج وبعدين اني ترة موشايب عمري بالاربعينات بعدني بحيلي بس متعوب

:اي واضح من كرعيتك الطالعه كبل من كصتك لعلباتك جنها صبخة  اكلك جفيني شرك  تعرفني من يطبكن عندي اضرب بشنو يجي كبالي استر على كرعيتك لاتجيها طابوكة وتعرفني من انيشن بالمكان

:كلشي منج عسل على كلبي

:ها خوش لعد غير تكول هيج

حجيت هيج ودنكت على طابوكة هو كام

:هي هي شمالج ما تتحاجين تردين بس حجة تضربين مهموشة

:مو كلشي مني عسل خل افتح راسك بطابوكة وخلي إثر كل ماتشوفة تذكرني

:مسودنة انتي بس كلشي يهون لجل هل عيون من اندار صدقة الهن شني  ولج سما