لم أكن بغيّا

البارت السابع والثلاثون

مساء العافية على اجمل عيون

يالمثل دلّه استوت بوجاغ ما يخمد لهيبه ..
يالتظنين .. ابعظم بلواج .. ما صارت مصيبه
هذا سهمج .. والسهم لوعات
والخانه الوكت يرضه بنصيبه

#يمامة 🖊📖
مشاهدة ممتعة للجميع تفاعلكم للبارت

♡♡♡♡♡♡♡♡

مرت اكثر من شهر  على جيت الشرطة على بيت مالك
بهل فترة مالك صار حذر كلش ابتعد عن الناس الي جان يكعد وياهم  الخاطر عائلتة
اخر شي صار كلش خوفه عليهم   وبعد ماعرف انو هوة مراقب هل شي خلاه ينتبه اكثر واكثر
حتى تبتعد العيون عنه

اجة شهر محرم وهل شهر الناس الي يطبخ والي يلطم لكن على نطاق ضيق العالم تخاف وتتستر

حبيبة :جنت اتمنى اكدر احطلي راية سوده بس جنت خايفة بعد ما طبو اعلينة الشرطة
لبست ثوب اسود   والنسوان بالشارع نلتم ونلطم باي بيت من بيوت الشارع
الي تعرف وصوتها حلو تقرالنة  بقير سماعة وبصوت موكلش عالي
وهذا حالنه كل سنة هيج

بيوم التاسع الضهر

مالك:حبيبة طلعي الي دشداشتي السودة

:شنهي طالع

:اي  مسوين طبخ الليلة يم ولد صاحبنة

:انت ويامن

:انه وجماعتي

:مالك ماريدن امنعك عبن هل شي للحسين بس خايفة اعليك

:حبيبة خلص تركت كلشي لخاطركم بس مال ترديني ما اشارك بطبخ يوم العاشر لا هنا مراح تمنعيني مفهوم

:خوش خوش

رحت طلعت اله دشداشة واني خايفة اعلي بس ماكدرت اوكف ابجها هل شي لبو عبد الله 
وديتله هدومه لبسهن

مالك:باسط تروح وياي انتو بلال

:لامالك خلهم فدوة

:شبيج متكليلي هوة طبخ نكمله ونرد

:مايخالف خلهم

:خوشش خلهم 

بدل وباس ولدة كبل لا يطلع عيني تعاين ابراه بخوف  ودي كون اربطنه بحبل ماخلي يروح
كبل لايطلع  كلش ما تحملت خليت وذبيت روحي بحضنة لمني بثنين ادي

مالك:هههه ها ولج شني تردين ابطل وكعد هنايمج

:اخافن عليك مالك كلش اكثر من ارويحتي