مساء العافية على اجمل عيون
_وين جنت..وليش
متأخره علي كل هالسنين
وليش ماطيفج أجه وفزز صفنتي
وين جنتي..كبل تسع أسنين
مريتي أعله عينيوما..وكفتي..
ليش من دك الجرس
ماصارن أعيونج فرصتي,,
#يمامة🖋
مشاهدة ممتعة للجميع تفاعلكم للبارت
°°°°°°°°°°°°
حبيبة:عد ما ردت ثاني يوم ارد لعيالي دجلة جلبت تريد اتضل عد اهلي خاطر تلعب ويه خديجة
حبيبة:دجله يمة انروح لبيتنة شنهي ماترديني
دجلة:اريدج بس اريدن خديجه
:نرجع نردلهم تالي يله يمة
واكفه داكة رجل وماترضى تجي وياي
:ما اروحن
وراحت ذبت روحها بحضن امي وامي صافنه اعليه وساكتة
دجلة:يمة اضل يم حبوبة
طكت روحي انه لابسه عباتي واكفة حجت امي
:ترانه لهساع ساكتتلج اريدن اشوفن وتالي وية اعنادج ولج يمة خلي البت يمنة احسن الها والج
حبيبة:يمه ماكدر ماكدر افاركها هاي امانة اخيتي
:وامانت اخيتج راح انكطها بالدرب احنه ولج خليها عدنه واحطنها بلب عيوني احسن ما ضاله هناك عد الوادم هنا تضل ابينة وبنص خوالها وهل تشوفين كلنه نحبها
ذبيت عباتي وكعدت حايرة ولله لو تضل هنا انه اعرف احسن الها لجن انه ماكدر اعلى افراكها كلش
وهيه المصكوعه مجلبة تريد تضل خاطر تلعب ويه خديجة
حطيت عباتي بحضني وكعدت ايدي.اعلى خدي واعاين اعليها
كلت خل اتوخر شوي بلجن الله يهديها وتروح وياي رحت دشيت لحجرة شهلة وانه الحيرة تاكل بكلبي ومدوهنه
شهلة:شنهي الراي خية اشوفنج عكلج موش عدج
حبيبة:رايي موش بيدي يشهله بيد كلبي وكلبي كاض بهل بت ومايكدر اعلى افراكها
شهلة:خية انجانج جاية تردين رايي وتاخذين بي اكلج وانجانج ماتمشين بي اسكت احسنلي
حبيبة:كولي رايج بلجن اكدرلة
شهلة:لونج تحبين هل بت صكد معناها ترديها تعيش ابراحه وهل راحة ما راح تشوفها بذاك البيت سمعي مني يحبيبة تراهي عمتج مراح تهدها بحالها وشوفت عينج شنهي السوته بية لو ما الله يحبني جان طيحتني بهبية
أنت تقرأ
لم أكن بغيّا
Randomأسير في حلقة مفرغة , في قبر الأخطاء القديمة، العميق والمؤلم. بدأت من نقطة مظلمة هي الرحم، وأسير نحو نقطة مظلمة أخرى هي القبر، إحدى القوتين تقذفني من هاوية مظلمة والأخرى تسحقني بلا إنقطاع في هاوية مظلمة اروي لكم قصة ... من ارض ميسان العمارة.. رواي...
