لم أكن بغيّا

البارت السادس

مساء العافية على اجمل عيون

جان كَلت
ابوجه الابيض .. غير معشركم
لكَينة
جينة مشتاكَين .. وبلهفة .. او تسد
بابك علينه
غمكَت جرح الجفة .. اوزدت ..
الكَلب ونه لونينه
اعتب اعله الروح .. جي لنها اعله ..
ريحتكم حنينة
واعتب اعله الشوك .. والعشرة ..
اوسوالفها الحزينة
عفية صحبة هالوكت .. بيها اليجافي
.. اشوكح عينه ..ما اجيكم واليدك
بابك ، بعد تنشل يمينه
اوجيت ارد اروحي .. البكَت سنتين
بديارك رهينه

تصويت للبارت تعليقاتكم الحلوى حتى لو كانت انتقاد اتقبل   واضافة للحساب فضلا  مشاهدة ممتعه

يمامة

°°°°°°°°°°

كان خذلانهم كفيلا بأن يُخبرك أنّ كل اللحظات الجميلة التي جمعتك بهم ماهي إلاّ فقاعات صابون رغم أنك تشبثت بها بكلتا يديك وبكل قوة إلا أنها تطايرت إلى أماكن لا يحقّ لك الوصُول لها، أو أنّها تلاشت قبل وصُولك، أو مرت رياح الدنيا وسرقتها وربما وصَلت إلى مكان أبعد من أن تصل إليه معهم، علاقة بتاريخ إنتهاء الصلاحيّة! خِذلان قد أحرق مِساحات قلبك البيضاء وانتهى، فصَارت رمادا لا يُكتب ولا يُشكى، بل هو في مواسِم الذّكريات يُبكى ...

:سمعت كلمة اخوها وبعدت  السماعة من أذني وكأني جاي اسمع شي غلط اريد اسمع صح شنو كال كال خطيبها ايي كال خطيبها شنو جاي يصير شنو خطيبها شلون نخطبت شوكت بلعت ريك يابس مثل الحجر ورجعت السماعة لاذني

:شنو كلتلي حبيبي ماسمعت زين  عيد الي كلتة

:عمو كتلك رنا هسه طالعة تتغدة وية خطيبها من ترجع اكلها تتصل بيك

:رنا شوكت نخطبت المن نخطبت

:من خلصت امتحانات انخطبت وانخطبت لابن خالتي 

سديت الخط   بدون ما احجي شي خليت وجهي بين ادي وصرت افرك بعيوني اريد استوعب الي سمعته احساسي مثل الي رشو تيزاب عليه احس كلشي بيه جاي يحترك مو بس كلبي
رنا خذلتني خدعتني بالوقت الي جنت اتعارك ويه ابوي لخاطرها بالوكت الي افكر شلون ابني مستقبلي وحياتي وياها هيه مشغولة بخطوبتها هيج كسرت كلبي سهلة عندج ؟
يعني من حاجيتها آخر مره وهيه تحجي بطرف خشمها وقتها نخطبت  شكد مغفل اني طلعت...  شلون ماكدر انتبه معقول هيج حبها كان ساد عيوني 

ضحكّت على سذاجتي

زين حبنة وعودنة وين راحت جنت استحرم الزم ايدها اخاف اعليها حافظت عليها بروحي هيج تجازيني
فتحت قميصي اتنفس بصعوبة كمت اخذت مفاتيح سياره ساجد
وطلعت من الشقة بدون كلام لكيت روحي اركض عالدرج ركبت السيارة وسقت بسرعة
شنو الي اريد الحكة ماعرف اسوق واني حتى الطريق كدامي ماجني اشوفة

لكيت روحي واكف بنهاية شارعهم وعيني على بابهم ساعات مرت وانه صافن على بابهم ماتحركت من مكاني لحد ماطبكت سيارة ابابهم
نزل منها ولد ونفتح الباب الي بصف السايق نزلت هيه عندي امنيه انزل وأسحلها بنص الشارع ما وكفني غير غيرتي مو اني الي افضح بنية مو تربيتي ابد اكسر بخت إنسانة
نزلت بلبسها الضيك مثل عادتها والي وياها فتح السيارة من وره وصار يطلع علاليك وينزل ضاغط علة الاستيرن كل قوتي نار يطلع من عيوني يريدن هنه هم يخذلني ويبجن على انسانة ماتستاهل نظرة منهن مو دمعه دخلو للبيت
بدقايق حبي الها صار حقد شكد جنت مخدوع بيج وبوجهج الحلو