حارستي الشخصية🗽مكتملة🗽

🗽الجزء 1🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 1:

☄️كنــــدا☄️

"جميع الأحدات باللغة الفرنسية"

كانت داخلة مع طروطوار وهي ديرا الكاسك المصارعة على وجهها وليگات تاع الملاكمة مع شورت وستيان سبورتيف...دخلت حتة ضرب فيها ضووو قوي وهي كتشوف في الجمهور داير بيها...تمت طاالعة لحلبة المصارعة وهي توقف كتشوف في منافستها...تعلن على بداية الجولة وبدات المنافسة كدور بيها وهي واقفة الوسط...جمعت يديها يله تقدم وهي توقف حاسة بالدوخة...شدت في راسها وهي كتشوف في كولشي غادي جاي وولاو منهم 5....سرطت ريقها بزز وهي تبدا تغمض عينيها وتحلهم ووالو...حتى ضربتها المنافسة وطاحت في أرض ودم خاارج من فمها...
بدا صدرها كيطلع وينزل وعقلها تطفا وعينيها مدبين...وقفت دغي وشافت في منافسها وهي تقرب كضرب بكل جهظها في البنت...حتى طيحتها وطلعت فوقها كضرب ووها بنت كتحاول تبعد ووالو،قرب الحكم كيصفر باش تبعد ووالو...ولات متضرب بهجمية وصحافة كيصفرو حتى دخلو ليكارو كجيرو فيها ووالو...ولات كتضرب فيهم حتى هما...حتى طاحت سخفانة على أنظار الكل وبنت لي ضربت حتى هي مغيبة ودمها في أرض...

#بعد_مرور_عامين...

في غرفة مظلمة كانت شاشة الكبيرة لي خدامة هي لي مضوية شويا المكان...كانت صفحة باينة في ديك الشاشة حتى هدر وهو وسط داك الظلام وعارف وجه كل واحد كي يكون بعد هاد الخبر...

...:كعلن استقالتي...

تشعل الضو على همسات الجميع وصدمتهم...وقف رجل كبير وشيب معمر راسو وضرب بعكازو في الأرض..

سي النصيري:كفاااش استقالتك؟

...:"خشا يديه في جيوبو بعد طول الصمت،هدر بصوت موزون وكلمات واضحة"كما كتسمع اجدي...انا مابقيتش غنخدم معاك...

سي النصيري:كفاااش؟علاش؟

..:حتاش بغيت رتاح...مابقيتش غنخدم تحت أمرتك...

جبد جوا بأبيض من جيب لافيست لي كان بالأسود وحطو قدام جدو فوق الطابلة وتم خاارج وجدو كيغوت عليه من لاور...

سي النصيري:...ماقبلش استقالللتك باش تعرف وصاافي...

ركب في اسونسير وهو مزال كيسمع في صوت جدو العالي وسكرتيرو جنبو...

سكرتير:"ماكس" سي **،واش متأكد من قرارك؟واش صافي غتستاقل؟

..:ماشي غنستقال اماكس،بل ستااقلت...

ماكس:ودبا؟شنو المعمول؟جدك غتجيه سكتوة قلبية بفعلتك...

تحل اسونسير وتم نازل كيهدر وماكس وراه...

....:جدي كيخصو يفهم بلي مايقدرش يبقى متحكم في حياتي...ماتخافش عارف شنو كندير "وقف كيشوف فيهم جابو ليه طنوبيلتو رونجر روفر بالأسود" خاف غير على راسك...