حارستي الشخصية🗽مكتملة🗽

🗽الجزء 97🗽

🗽حــــارستـــــي الشخصـــــــي🌾

✍️بقلمــي:أميمـــــة بوكنشــــو

🩸الجــــــزء 97:

دخلتو لبيت وهي تشوف فيه فاش وقف...تقابلت معاه هازة حاجبها..

ميراي:مالك؟

غالي:ميراي،كتغيري عليا من ختي؟

ميراي:"خرجت عينيها" ءءء؟

عطاتو بالضهر وهي كدلك في عنقها بتوتر...بتاسم وتقدم تقابل معاها وهبط بجسمو حتى تقابل وجهو مع وجه‍ها..

غالي:كتغيري؟

ميراي:اشمن غيرة،علاش غنغير اويلي بعد..

بعدت دخلت دريسينغ وهو بتاسم ومشا تبعها...ربع يديه ووتكا على الباب جنب وابتسامة عريضة على ثغرو..

غالي:كتغيري اميراي ياك...

ميراي:"كتجبد في بيجامتها" بعد مني حسن لك "خدات البيجاما وقربت عندو" علاش غنغير ياك كتبغيني،وانا عرفاك ماغتشوفش في غيري...

بقا كيشوف فيها وهي دفعو وسدت الباب...قرب تكا على الباب بضهرو..

غالي:تقة زائدة كضر الغزالة..

حلت الباب وهو يشوف فيها...قربت عندو وبتاسمت..

ميراي:حبيبي،تبغي تنعس على شي تصرفيقة...

غالي:مانكرهش..من دوك لويدات الصغار...

بقات كتشوف فيه وهي تخرج حابسة ضحكتها...بقا واقف كيشوف فيها حتى صونا تلفونو وهو يجبدو...

غالي:الو...ماعرفش واش غنجي وخا غذا ورد علك..

قطع وهي تشوف فيه ميراي لي تخشات في جيهتها..

ميراي:مالك؟

مشا تخشا جنبها وشاف فيها..

غالي:كاينة حفلة في الفرع باغيني نحضر وبغاوني نجيبك معايا...

ميراي:اه سمعتكم قبيلة...خلينا نمشيو شنو فيها..

غالي:متأكدة؟

ميراي:بينسوغ احبيبي غذا نكمل بكري،معاش الحفلة؟

غالي:"بتاسم وباس يدها" غذا غنشد لك رونديڤو عند كوافور اوكي..

بتاسمت وحركت راسها حتى دق الباب...شافو في بعضياتهم وهي توقف ميراي حلت الباب وهزت حاجبها...دخلت شافت فيه كتبكي..

ايملي:غالي هيء هيء فيا الوجع..

غالي:الوجع؟"وقف دغيا" غتولدي؟

ايملي:لا غير فيا الحريق ماقدراش نعس بوحدي...

ربعت ميراي يديها كتشوف فيها..

ايملي:قالت ليا طبيبة عادي،غير خاصني تمشى باش تفوتني،ماقدراش تمشى بوحدي ممكن تمشي معايا..