حارستي الشخصية🗽مكتملة🗽

🗽الجزء 159🗽

🗽حــــارستـــــي الشخصـــــــية🌾

✍️بقلمــي:أميمـــــة بوكنشــــو

🩸الجــــــزء159:

وقف ضياء بالطنوبيل قدام البحر وهو ينزل رادخ الباب ماجيبش شيفور معاه...

شافت فيه ريم وهي تحط ساكها وخرجت عندو وهي تقابل معاه...بقات كتشوف فيه وهي تنزل راسها...قرب منها ضياء وهدر بهدوء...

ضياء:عباش ماقلتيهاش ليا قبل؟"بقات ساكتة" شنو أنا اريم...هدري شنو أنا بالنسبة لك..."غوت حتى قفزت" واااااااش أناااا غيرررر واااحد جااامعك معااااه الورااااق...

ريم:انا...

ضياء:"بغوات وهز صبعو في وجها" سكتييي..دبا أنا لي كنهدر ونتي غتسمعيني حتال لخر..."هبط من صوتو على الناس ومزال كيشوف فيها" نتي اريم ماكتعتابربني والو في حياتك...ماكتشاركيني لا فرحتك ولا حزنك...كنعسو في نفس الفراش بحال الخوت...كنبقاو بعاد على بعضياتنا نهار كلو وبليل مني نرجع كلقا ختي ماشي مرتي..."قرب لها" نسيت جسمك اريم...شنو باغا حتى نفر منك عاد ترتاحي؟..."زاد قرب منها" حتى من أنفاسك قليل فين وليت نحس بيهم...بعدتي عليا بزاف اريم...بعدتي عليا لدرجة مابقيتش عارف واش كنليقو لبعضياتنا او لا..."هزت عينيها المدمعين كتمنى مايقولش شي لي في بالها" ماعارفش واش مزال نقدرو نكملو؟ماعرفتش واش مزال غنقدر نكمل معاك اريم...نتي كتكذبي عليا...قلت لك قبل نسامح على كولشي الا الكذوب...

ريم:"طاحو دموعها" أنا مادرتش هكا بلعاني..كنت باغا غير نكمل مع جدي ونعرفك عليه هو ماقابلش بزواجنا وجااي غير باش يديني معاه...

ضياء:كون قلتيها قبل...كنت ندير المستحيل باش جدك يرضى على زواجنا...واش لهاد درجة كنبان قاصح...

ريم:"طاحو دموعها منبتين على خدودها" نتا عارفني كنبغيك اضياء...ولكن أه قاصح...قاصح بزاف اضياء...

ضياء:"ضرب على صدرو بقبضة يدو" وااااش هذا كلو قااصح...عرفتي شنو الغريب...نتي مزال مافهمتيش بلي رطبت هاد القلب على ودك...

ريم:واش هكا كظن بلي درتي انجاز "مسحت دموعها" ماشي هادي هي الحياة لي تمنيتها اضياء...ماتمنيتش نكون خت راجلي...ولا تمنيت حتى راجلي يكون خويا...كتسنا مني دائما نعطك فرصة...مع أنو نتا لي ىاجلي وعندك الحرية فيا...الا وأنك مزال مامعتابرني مرتك...

بقاو كيشوفو في بعضياتهم حتى صونا تلفون ريم...مسحت دموعها وهي تجاوب كتشوف فيه..

ريم:ألو...

ميراي:أسية ولدت...

ريم:"حطت يدها على فمها وبتاسمت" واااش بصح؟أش ولدت؟

ميراي:بنت...

ريم:دبا جيين عندك...

ميراي:وخا..

قطعت وشافت ريم في ضياء لي كيشوف قدامو..

ريم:أسية ولدت...يله..

يله تمشي حتى وقفت مجمدة على كلامو...

ضياء:كون كنا كيف أزواج عادية...كنتي حتى نتي تكوني حاملة...

خرجت عينيها وشافت فيه...وهو مشا ركب..خدم الطنوبيل وهي تركب حداه كتشوف فيه على كلامو..

🌐في الكنينيك

حركت اسية عينيها جهة ميراي لي هازة البنت كتبوس فيها وشافت في غالي لي متكي على الحيط كيشوف في ميراي والجد لي جالس بعد ما أذن في وذن البنت...شافت في ريم وضياء لي جالسين وتنهدت بضيق...طاحو دموعها وحطت يديها على وجهها كتبكي...كولشي شاف فيها وهي تزيد في الوتيرة كتبكي وتشهق على حالها...عاد حست براسها أش دارت...وكفااش بسبب الحمل والوحم لي جاها في شهرها لخر عجبها سلمان وكرهت سيف في لحظة...حطت ميراي البنت جنب وقربت ليها...

ميراي:أسية ماالك؟أسية ختي اويلي رجوع الله...أسية لا بقيتي تبكي را يمشي منك الحليب...

أسية:"شافت فيها" علاش اميراي...حتى كنقول كولشي يتصلح ويرجع يبدا من أول وجديد...مافهمتش أش وقع ليا حتى تعاملت مع سيف هكاك...هو دبا كرهني شنو ندير اختي...

قربت منها ميراي عنقتها وشافت في غالي كطلب فيه بعينيها يقلب على سيف...تنهد غالي ومشا خرج.....

ميراي:شش كولشي يولي مزيان غير رتاحي...سيف يتهدن ويرجع...

أسية:تقهرت اختي من هاد شي...راني كنبغيه مابغااش نخسرو..."بعدت عليها" هااني ولدت فين هو؟مابجنبيش ومشا خلاني مرة خرى بوحدي...انا ندمت في لحظة ماعرفتش أش وقع ليا حتى شفت في سلمان بديك الطريقة...

بقات ميراي كتشوف فيها بتحسر...العيالات كيجيهم الوححم في شهورة لولى هي جاها في شهرها لخر...

ولادة أسية ماكانتش طبيعية ودارت عملية قيسرية...

🌐عند سيف..

كان جالس قدام البار كيشرب ويقول ماشربت...كيتفكر صورتها مع سلمان...كل ماكيتفكرها كيشعل وقلبو كيتحرق...فكرة بصح تكون مع غيرو كتمرضو...اما يلسمها ومعاه في نفس الفراش كتسطيه...كيبغيها ومشكلتهم هي أنو علاقتهم جات في وقت غير مناسب...دائما وسط المشاكيل والصداع امتى تقاد علاقتهم ماعرفينش...شاف في وحدة غادة جيا عليه ورجع شاف قدامو.. أكتر بنت مشهي ينعس معاها هي لفعتو...أخيب بلان يوقع لراجل هو وقت تولي تحلا لو غير بنت وحدة وخا معرت أش يدير وخا ينعس مع ألف بنت خرى...كتبقى لي في قلبو هي لي كتحلا لو..شاف في تلفونو لي كيصوني وهو يهزو وجاوب...

سيف:شنو؟

غالي:بركا من زم*لة تاع والو...وتعالى شوف بنتك...اسية ولدت...

وقف سيف وهو يخلص بلا هواه ومشا خرج دغيا...

يتبع...